Nabasi 22:9 - Godido Vua Maeje

⁹ Areme muge ijia Godi fu arina Berame kuae, E ije eranebe aena ijia karivano kuae?

Nabasi 22:9 ပူးပေါင်းရင်းမြစ်များ

Iko Zinume 20:3

Ro muge be Godi fu Abimereki naka urana kuae, Aka ise rema ijadufuo a baroneke. Ijadufuo maeje a bara baruki ije abemano kuae.

Iko Zinume 31:24

Rebani fu rade Jekafu bie ro ude fu naemaga Godi fu ari naka urana kuae, A va Jekafu biekuma ade vua ise ro ma bino fu kuarakumano kuae.

Iko Zinume 4:9

Areme Godi fu uri Keini kumei, Uvia one Eboro fu izieburekino kumei? Fu ijiege kumemoga Keini fu una gue kumei, Na uvia none ije na nare maza boeje samuavo baki. Ijadufuo fu iziebure oenoeno ije nake naebe gae.

Iko Zinume 41:25

Kini Fero fu ijiege kuaramoga Josofu fu kuae, Naka one inokiro ijiebuo maeje bu ni besu. Ro ije fu Godire izege fu rade redufuo fu ijene kuarae.

Una Kaenamiae 4:2

Ro E Ireobo E Ireobo fu una Mosisi kuae, Ro ire ije a fare manino ije irereno kuae? Fu ijiege kuamoga Mosisi fu una kuae, Na mudu na bijuasanoejo ije farevano kuae.

Nabasi 22:10

Fu ijiege kuamoga Berame fu kuae, Na Beraki e Moabaetiko ijiebuo kini ije fu vua ijiege nijie. Fu kumei, E ma uruvana bu are Ijifiti arena usiae ruaeva ijiebe aesakae ige bune okurae. Ijadufuo a ro noefuo e ije kuravajiaga no kania bu usiae vano kumemano kuae.

Nabasi 22:20

Areme muge ijia Godi fu una ari Berame kuae, E ije bu ro a kuavo ije nine buina vane. Ro a vakuma ade ire bino rekiro nime vua irere na kuaraeva ijiaru reno kuae.

Nabasi 22:8

Bu ijiege kuaravoga Berame fu kiae, Ni muge igiaru naena igia naoke E Ireobo fu vua izege kuariekuma na kuariaga ni isuome una vano kiae. Ijadufuo e mamekanu ije bune ijia fuina kari.

Matiu 24:24

Ijadufuo maeje mazani ijia e bino bu usiaena ja biesiriana kiako, Naeje na e ije Godi fu kiemo na ruaeva ijeno urina na nuvedieno kiake. Ro gue bu usiae biesiriana kiako, Noeje no e Godido vua vierafena kuaevo ijeno kiake. Bu ijiege kuaria areme uri nuga ro ire sumiki binobino reke. Ijadufuo maeje bu vierafe buka e ije Godire umui bijiana kema ijiebuo oe ije kame iserekuae buka ijadufuo giriesake.

Matiu 7:22

Ro vakuma maza ka anuigi ijia e uruvana bu uri kieko, E Ireobo no ive one ijia Godido vua abe e kuariaevano kieke. Ro kuke bu kieko no ive one ijia kavene ise rorukuriakinu vame sumiki bino revano kieke.

Joni 11:51

Ro e Kaefasi juaevasia ijia fuje fu e Godido zinone ifaejemo e ireobo be. Ijadufuo vua ije fu Jesu fu e Jiusi ijiebuo baronedufuo kuaema ije fume fure vierafena kuaema baki ro fune Godire vierafejamo fu kuae.