Nabasi 20:6 - Godido Vua Maeje

⁶ Bu ijiege Mosisikiro Eroni kuariavoga e inokiro bu usiae Are Muvuaka Akae viene ijia usiaena auge sana tuana uimutumutu sakaedo ijia dije. Bu ijiege rekoga E Ireobo ijadufuo sanaema ijare ije bu naovo ado ijia sanae.

Nabasi 20:6 ပူးပေါင်းရင်းမြစ်များ

Una Kaenamiae 16:10

Areme Eroni fune urina e boeje kuariakoga bune urina nikubae buone bu una kuderiana ae sao nake ijia rerei. Bu ijia irena rerekoga saroruba E Ireobo ijadufuo sanaema ijare amite uve ijia sanae.

Una Kaenamiae 17:4

Bu ijiege kuaravoga Mosisi fuka urina E Ireobo baname isoena kuae, E ige bu dofuo na kievo ije na izege reke? Na vierafe na do naebe ifejiakuva buka mune tuana kaniekono kuae.

Nabasi 12:5

Areme fune amite uve ijia arina Are Muvuaka Akae ijadufuo viene ijia mani areme Eronikiro Miriame kiamo bune biona ivuake ijia vae. Areme fu kiae, Vua ige mukoreigia fiefo. Na e Godido vua vierafena kuaevo ije bu jaena karivo ije na naka ijia arina buina vua kuaevo. Ro ve bino bu nimamaena naena vua kuaevo.

Nabasi 14:10

Rove e Isureroko buka mune tuana e inokiro Kerabikiro Josua ije kaniakuae kuae. Bu ijiege kuaevoga E Ireobo ijadufuo sanaema ije fu arina Are Muvuaka Akae ije e Isureroko boeje bu besu afuiva ijia sanamoga bu gae.

Nabasi 14:5

E ije bu ijiege kuaevoga Mosisikiro Eroni bu e Isureroko boeje bu afuiva ijiebuo nidua ijia tuana uimutumutu sakae ado ijia dije.

Nabasi 20:7

Areme E Ireobo fu uri Mosisi kuae, Ni uvia one Eroniki mudu one a bijuanoeno ije abe areme e Isureroko boeje kiaga bu usiaena are samadukua ijia afuine. Areme ni uri e boeje ijiebuo niome ijia munuage ije kuaga do fu ijia ariga e ro fanuve buone boeje bu do ijia iga fu oemadiano kuae.

Matiu 26:39

Fu ijiege kuaria areme fune fuosukua sibaneke biona mumabo ijia tuana sakaedo ijia dijena baname isoe. Fu baname isoena kuae, Ate, asoeno, a vierafe fune marekuma ni vajae fiane ige na abekuvejo ije abe bio najane. Ro baga ni one vierafema ijia reno kuae.

Josua 7:6

Areme Josua fune vame ije bu reva ije gamo fuka ireobo oefiae. Ijadufuo fu uri ugone fuone faradia farae areme tuana uimutumutu Mavua Akae ije namo uineke sakaedo ijia dijena nako vakuma ve mui. Fu ijiege rekoga e Isureroko ijiebuo e mamekanu boeje buduaku oefiane abena uri kuokuo datena nigofo buone ijia akoe.