Nabasi 14:9 - Godido Vua Maeje

⁹ Ijadufuo jade uri e ije aesakae ijia kariva ije jumena E Ireobo ije ijuonevo. Ijadufuo maeje godi buone ije bu vafaedufuo ije buka daro baki. Ro no E Ireobo ije fu noena ijadufuo no vakuva nore iraraena e ije kaniakono kiae.

Nabasi 14:9 ပူးပေါင်းရင်းမြစ်များ

Iko Zinume 48:21

Areme Jekafu fu Josofuo kuae, Naeje na baronekuvejo igia giene. Ro na vierafe Godire maza boeje osiki fi vake. Ro fure rade a samuagana mesirana asaerafa one ijiebuo aesakae ijia vake.

Neamaea 4:14

Na giake e buka jumekinu revoga na uri e mamekanu ro e aeko ijene vua kuariae. Na kia, Ja e ije bu ja kaniakuvejo ije jade jumevo. Ijadufuo maeje E Ireobo nuvuone ije fuka e daroki e buka fu jumevo. Ijadufuo nika uri giriesana e uviarafa ijiakiro agebara jone ro gire jone ijiebuo bijaeno kiae.

Una Kaenamiae 14:13

Bu ijiege kuaravoga Mosisi fu urina kiae, Jade jumekiro nika giriesana irekega E Ireobo fu iviama ja karauniaga ja gake. Ro e Ijifitiko ijiebuo uikubae ja iviama giavo ije rade jabe una bu giake.

Una Kaenamiae 33:16

Ro a naebe noena vakuma e bu izege a gana vierafero aka no mukoreigia oetuana samuaguomoro bu ijiege vierafeke. Ijadufuo anika noena vaekina e bu noeje buka e ni bino guokiro e ume igeko ije bu ni bino giano kuae.

Nabasi 13:30

Bu vua ijiege Mosisi kuaravoga e Isureroko bu vua ije fievo buka judiae. Ijadufuo e Kerabi fu urina Mosisido nidua ijia e ije kuriaeremoga vua ije bu kuaevo ije bu ijia arei. Bu arekoga fu urina e ije soesoena kiae, Ja irerefuo jumeve? Noeje no maniva ijadufuo vaga no e ijene kaniana sakae buone ije abeno kiae.

Nabasi 20:2

Ro are ijia do bu idufuo ije fuka baki ijadufuo e boeje bu ziena uri Mosisikiro Eroni vua ise buesina kuae.

Nabasi 24:8

Buje bu Godire Ijifiti ijia kaenamiana keke ruae. Ro kuke fure daro miaga buka mave-kau kumate baego igege e ani buone ije iraraena kaniavo. Ijadufuo bure e aesakae gue bu buina bijaekuva buka bure iraraena juvuave buone ijia kame bijiana ane tuasedufuo.

Matiu 1:23

Ro vua ije fu kuaema ije bu ijiege isoe, Bara kabaekua be fu baruna naebe naeno fu e fudiena ame fari be bietega bu e Imanuero kuake. (Ro ive ijadufuo maeje Godi fu noena).

Romeni 8:31

Ro vua boege na kuariaeva ije na izege Godi ire boeje fu nuvuone remo na ijene kuariae. Ijadufuo ire ije ja izege vierafei? Godi fune noena rema ijadufuo fu erare no kaenamuona una vame ise ijia vakuma baki.

Firifiani 1:27

Ro vua ka ma ireobo ijeja nika Jesu Kuraesido vua maeje na nijasiavo ja fieva ijia kenoekinu karivafo. Ja ijiege kenoekina na ijia vua ro na naebe vuako ijia na oenoekinu izege ja kavene ijia oe besu rena vua maeje ijadufuo vafaevo ije fieke.