Nabasi 12:7 - Godido Vua Maeje

⁷ Rove Mosisi e none imeno ije fuje na ijiege revo baki. Ro fuje fuka e be fu maza boeje noefuo i mukoe meno.

Nabasi 12:7 ပူးပေါင်းရင်းမြစ်များ

Una Kaenamiae 33:11

Ijadufuo maeje E Ireobo fuka e be fu kai fuone ije uikubae guria ganamikinu vua kuaevo ijiege E Ireobo fuka Mosisiki uikubae guria gananamikinu vua kuaevo. Bu kuaema furivone Mosisi fu una keke are fuone ijia vako. Ro e Nanido fari Josua e ije Mosisi ifejamo ije fu uria are ijia fino.

Matiu 11:11

Ro vua ige naka ma kuariavo fiefo. E mamekanu gue bu ude kari ruaeva ije bu Joni e do ruoriamo ijieki baki. Ro fune Jonire e anuigi ume igeko ije ma asidiae. Rove e ije erare fu Godi e ije fu oe buone ije samuagiamo ijiebuo uve ijia una e isekube remo e ijare fuka Joni ma asi.

Matiu 11:9

Ro ja vaeva ije ja irere gakuae vae? Ja e Godido vua vierafena kuaemo ije gakuae vae ke ja era gakuae usiae vae? Ni kuarie na fiefo. Ke, na vierafe e ije ja gakuae vaeva ije fuje fu ma e anuigi. Fure e Godido vua vierafena kuaevo ije fu ma asidiae.

Ekisi 7:31

Mosisi fu ire ije gamo fuka oesere ijadufuo fu ura ivuake ijia ifiri ije naeno ije gakiro vae. Fu vako ijia fu E Ireobo ijadufuo itire ije fie. Ro E Ireobo fu kume, Naeje na asaerafa one e Eburamekiro Aeseki ro Jekafu ijiebuo Godi ijeno kumei. Fu ijiege kumeno fiena Mosisi fuka turanamina safuimoga fu uri ni fuone dabe nurie.

1 Koriniti 4:2

Ro igia fie e be fu e fuone ireobo ijadufuo imeno ije fuka vua izege e ireobo fuone fu kuaramo fu ije fiena kenoedufuo. Fu ijiege rekuma ije fune mukoreigia renoedufuo.

1 Timoti 3:15

Na ijiege isoena nijaekina a vame izege Godido e ije bu buone samuanamikinu karinoejo ijene dana vierafedufuo. Ro Godido agane ije bu Godi ije maza boeje ijia fivako ijadufuo sosi ijene. Ro sosi ijare Godido vua maeje bu nijasiavo ije bijuadufuo.

Josua 1:1

Mosisi e Godido imeno ije fune baronekoga E Ireobo fu Josua e Nanedo fari ije fu e Mosisi ifejamo ije kuae,

Josua 1:2

Iviama Mosisi e ije noefuo i meno ije fune baronei. Ijadufuo nika urina e none Isureroko boeje kaenamiana do Jodeni tuana gara aesakae ije na miakiro kuaeva ijia vane.