Nabasi 11:8 - Godido Vua Maeje

⁸ Ijadufuo e Isureroko bu ire ije sakae ado ijia arivo ije karina va mune mutuga fu kuokuo reme. Areme e bune sukore ijia ifaejema areme bune kena burete baraeki ije amaeriavo. Ro burete baraeki ije bu ivo ije mariene fuone fu ine orivi ijadufuo safine ijiakuma ifaejevo ijieki.

Nabasi 11:8 ပူးပေါင်းရင်းမြစ်များ

Iko Zinume 25:29

Areme maza be Jekafu fu ire dodoki be kirama fino ijia Iso fu sume bijanoena una vasiakuma ijia keke. Ijadufuo fu uri Jekafu kuae, Naeje naka ireobo vasiorieve. Ijadufuo ire kavuane ije a kiraema ije be afe miega na ino kuae. (E Iso fu ijiege rema ijadufuo i fuone bu kua Idomino kuae.)

Una Kaenamiae 16:23

Bu ijiege kuaravoga Mosisi fu kuariana kia, E Ireobo fu kume, Isuome ije fu E Ireobo ijadufuo maza ka akae ja mauike karidufuo ijene. Ijadufuo nine ire irere ja ivia miane ifaejekinuro sukore kiradufuo ije kirafo. Ro ire nugune ja ifaejeva ije ni karina isuofuo nano kumemano kiae.

Una Kaenamiae 16:31

Areme e Isureroko ije bu urina ire burete igeki ije bu karina iva ije bu abe ive ina menano kuae. Ro ire mena ije fuka isuni abaeki igeki ka isekube ro mariene fuone fuka ire muni safine bu burete ijia azina ivo igeki.

Nabasi 11:7

Ro ire burete mena ije fu ifo ijadufuo sunine isesina abaeki igeki.

Nabasi 11:9

Ro burete mena ije bu arivo ije bu muge asame safine ijiakuma are ije bu karijo ijia arimo.

Joni 6:27

Ro igia fie, jade maza boeje uri ire ja idufuo ijiaru vierafenoevo. Ijadufuo maeje ire ije maza rade buka bakireke. Ro nika uri ire ije ja ina maza boeje ijia karivadufuo ije vierafena ijadufuo imenofo. Ro ire ije Ema ijiebuo Fari ige nare ja vajiadufuo. Ijadufuo maeje fune Godi Asoe none ijare ire ige na renoevo ijadufuo daro miemano kiae.