Nabasi 11:17 - Godido Vua Maeje

¹⁷ Bu aena ijia irega na ari obiki vua kuae areme Kavene none ije na abe a nujaejaeva ije gue kena bu uniaejiane. Na ijiege rekina bu a ifejana e boeje ijiebuo irufui ije a abemo ije dasumaga a naebe osukua una ijiege irufui abeke.

Nabasi 11:17 ပူးပေါင်းရင်းမြစ်များ

Iko Zinume 11:5

Bu ijiege kuaena renoejoga E Ireobo Godi fu sidove ireobo bu kena kariva ijiakiro gire jiagado bu saeva ije giakiro arina ruae.

Iko Zinume 17:22

Godi fu vua ijiege Eburame kuarama furi areme fune ijia nujana vae.

Iko Zinume 17:3

Areme Aburame fu vua ije fiemo fuka ma ireobo oeserei ijadufuo fu uri Godi aroena tuana nikubae fuone ijia dijei. Fu ijia dijemoga Godi fu kua, Ivia na osiki vua ige kuaena abe mareke. Nare kuaedo a e uruvana aesakae binobino ijia kariva ijiebuo asae reke.

Iko Zinume 18:33

E Ireobo fu vua ijiege una Eburameki kuaema furi areme fune ijia nujana vae. Fu vakoga Eburame fune gue una are vae.

Neamaea 9:20

Ro kuke aka Kavene one maeje fu vame maeje nijasiadufuo ijene abe miae. Ro aka ire mena ijene vajiamo bu i ro do duadiamoga a ifejiamo bu do i.

Una Kaenamiae 18:22

Areme ni kiaga bure e guebuo ise ije kena giane. Bu giaga irufui gue buka mamekanukuma bu kena una one rone. Ro bu isesinakuva bure ke giana asuseke. Bu ijiege rekina bu irufui ije a osukua abeno ije bino ifejana dasumaga a naeki rene.

Una Kaenamiae 19:20

Areme E Ireobo fune Uruo Saenae kubi ijia arina Mosisi kumeno fu uruo ijia ajiana vae. Fu ijia ajia vakoga Godi fu kuae, Una arina va e game kiaga bube ine ije a bijia ufuaenoema ije asina na giekuae ruovo. Ro bu faememare ine ije asidia ruakuva buka oeke.

Una Kaenamiae 34:5

Fu ijia ajia vakoga E Ireobo fu amite uve ijia una arina Mosisi manino ijia fuosiki mani. Fu ijia mani areme uri ive fuone ije kuranamina kuae, Naeje na E Ireobo nareno kuae.

Nabasi 11:25

Areme E Ireobo fu amite uve ijia ari Mosisiki vua kuaema areme fu uri Kavene fuone ije fu Mosisi nujaejaema ije una e seveniti (70) ije saejiae. Areme bu uri maza aokube ijiaru e boeje Godido vua ije urukeigia darokuma vua kuariae.

Nabasi 12:5

Areme fune amite uve ijia arina Are Muvuaka Akae ijadufuo viene ijia mani areme Eronikiro Miriame kiamo bune biona ivuake ijia vae. Areme fu kiae, Vua ige mukoreigia fiefo. Na e Godido vua vierafena kuaevo ije bu jaena karivo ije na naka ijia arina buina vua kuaevo. Ro ve bino bu nimamaena naena vua kuaevo.

Nabasi 12:8

Ijadufuo na fuosiki vua kuaevo ije naka nikubae guria ganamikinu vua kuaevo. Naka vame samadukua fu mukoe fiena vierafedufuo ijia kuaravo. Ro na vua ke sauina kuaravo baki. Fuje naka vame ijiege fuosiki vua kuaeko fu ijia E Ireobo na e izeki ije fu ijia giemo. Ro ja irerefuo fuesina kuaekuae jaka naebe jumei.

Nabasi 27:18

Fu ijiege kuaramoga E Ireobo fu una kuae, Ni Josua e Nanedo fari ije fu Godido Kavene abema ije kuaga fu roga umui nigofo nijana daro mane.

Joni 3:13

Ro fu erare saove gufia ajia vaema baki ro fune Ema ijiebuo Fari ije Godi fu kuamo fu ari ruaema ijare fuosukua.

Joni 7:39

Ro Jesu vua ije fu do ijadufuo kumema ije fu Godido Kavene ije eranebe bu ma vierafena abedufuo fu ijadufuo kumei. Rove maza ijia bu Godido Kavene bu naebe abei ijadufuo maeje Jesu fu naebe baronena una uri are sanaema fuone kave gufia ijia vae.

Romeni 8:9

Rove jaeje ja vajae surive jone ije irere bu vierafeva ja ijia kenoevo baki. Ro ja Godido Kavene fune oe jone ijia fivogakuva ije jane irere fu vierafema ijia kenoeve. Ro e ije erare fu Jesu Kuraesido Kavene fu naebe abema e ije fu Jesudo e baki.

1 Koriniti 2:12

Ro no e ume igeko bu korubuo karina vierafevo no ijiege konuvuo oe nuvuone ijia karina vierafevo baki. Ijadufuo maeje buone vierafe ije fu bino. Rove iviama none Godido oe ijia irere fu vierafemo ije none vierafe. Ijadufuo maeje fure Kavene fuone ije kuaga fu irere maeje fu vajuomo ijene oe nuvuone ijia kuaruome.

1 Tesaroniasi 4:8

Ro vua ije no kuariavo ije fu Godi ije Kavene Akae fuone ije abe nujajiaema ijadufuo vua. Ijadufuo erare fu vua ije fiena ijuonekuma fu emabuo vua ije ijuonemo bagaro fu Godido vua ije ijuoneme.

1 Fita 1:22

Godire vua fuone ije fu maza boeje ijia navako ijadufuo duvado ijia vame iviaeko maeje abena miae. Ro ja Godido vua maeje jane mukoreigia irinae ijadufuo oe jone ije fune mukoreigia amaeriae ijadufuo iviama jane una kairafa jone bu Godi ma vierafevo ije oetuave. Ijadufuo iviama nika oe jone ro daro jone ijiakuma jone oetuanamifo.

Judi 1:19

Ro e ijieki ije bu Godido Kavene ije bu naebe abei. Ijadufuo buka e kame ataga bu buone binobino karinoeke. Ro kuke buka uri ire ije vajaema buone bu oemadiadufuo bu vierafevo ije renoeke.