Matiu 9:9 - Godido Vua Maeje

⁹ Ijiege rena Jesu fune are ije arena vako ijia fu e Matiu e takesi abenoeno ije bie. Fu are fu fina imeno ijia biena kuae, I one ije a meno ije arena na nuvedieno kuae. Jesu ijiege kuamoga Matiu fune ve ijia uri ire ije fu remo ije fuka ijia arena uri Jesu nuvena vae.

Matiu 9:9 ပူးပေါင်းရင်းမြစ်များ

Matiu 20:4

Ijadufuo fu kekena kiae, Na vierafe jadua ja va juare none ijia imeke na moni besu enafu vajiano kiae.

Matiu 8:22

Fu ijiege kuaramoga Jesu fu una gue kuae, E ije Godido vua fievo baki ije bune oeva igeki. Ijadufuo ni arega bure e ije oevo ije kena mako rune. Ro aeje ani urina na nuvedieno kuae.

Matiu 9:10

Ijiege rena rade Jesu fune va e Matiudo are ijia kekena fuosiki fina ire i. Fu fuosiki ire ikogana e takesi abenoevo ijiakiro e ise renoejo uruvana bu usiae Jesukiro e vua fuone fievo ijena karina besu ire i.

Maki 3:18

Ro e gue ijeja e Adurukina Firifi ro e Batoromiukina e Matiu ijene. Ro bino ije e Tomasikina Jemisi e Afiasedo fari ijene. Ro bino ije e Tadiasikina Saemoni e ije fu e mamekanu ijena vua gikikimana kuaemo ijene. Ro kuke e Judasi Isikarioti e ije fu rade Jesu abe e ani miamo bu kanaeva ijene kei.

Ruki 6:15

Areme fune kuke e Metiukina Tomasi ro Jemisi e Arufiasido fari ijiakina Saemoni (e ije fu ire binobino rekiro ijuonemo baki ijene).

Ekisi 1:13

Bune va Jerusareme usiaena gire be bu karijo ijia ajia vae. Ro e ijia vaeva ije Fitakina Jonikina Jemisi ro Edurukiro Firifi ro Tomasi ijene. Ro kuke e Batoromiukiro Matiu ro e Afiasedo fari Jemisi. Ro Saemoni e ije e mamekanu ijena madinamimo ijiakiro Jemisido fari e Judasi ijiebe ijia vae.

Garesiani 1:16

Maza ije Godi fu vierafema ijia fu Fari fuone abena na nijasie areme kenujie. Fu vierafe fu ijiege kenujiekina na rade Jesudo vua maeje abena e Jiusi baki ije kuariadufuo. Ro na Jesu irere fu none rema ije na naebe e be kuarae. Ro kuke na e Afasero gue bu are Jerusareme ijia kariva ije na naebe va kuariae. Ro name una migegire aesakae Arebia ijia va maza aokube fikinu irere Jesu fu none rema ije vierafenoe. Areme na una are Damasikasi ruae.