Matiu 9:3 - Godido Vua Maeje

³ Jesu fu ijiege kuaramoga e vua akae nijasiavo gue bu ije gana una mauike bue kuae, E ije erare fu Godi asikiroga fu vua ijiege kuaemono kuae?

Matiu 9:3 ပူးပေါင်းရင်းမြစ်များ

Matiu 26:65

Fu ijiege kuariamoga e zinone ifaejevo ijiebuo e ireobo ije fu vua ije fiemo fuka defarui. Ijadufuo fu urina ugone fuone fu saema ije faradia farae. Areme fu urina e ije koto fievo ije kiae, Vua ije fune korufuo ijifureki kuaeme. Ijadufuo na vierafe no una e bino erane kiaga bu vua ise fuone bino kuaruoga no fiekuva baki. Ro iviama jane vua ise izege fu Godisina kuaema ije jane fie. Ijadufuo ja vierafega e gure ja dabe izege rekono kiae? Fu ijiege kuariamoga e boeje bu una gue kuae, E ije fu kuae fuje fuka Godiki besuno kuae. Ijadufuo no vierafe noka dabe kana fu baronekono kuae.

Matiu 7:29

Ijadufuo maeje fu e buone ije vua akae nijasiavo ijieki ije fu baki ro fuka e daro ireobo abema igege nijasiae.

Maki 14:64

Ro ja vua ise bino fu Godisina kuaema ije jane fie ijadufuo ja fuje ja dabe izege rekono kiae? Fu ijiege kiamoga e boeje bu una kuae, No vierafe noka dabe kana fu baronekono kuae.

Maki 3:28

Ro vua ige naka ma kuariave. Ema igiebuo ise ijiakiro vua ise boeje bu kuaenoevo ije Godi fu giana aredufuo.

Maki 3:29

Ro erare fu Godido Kavene Akae ije vua ise bino fuesina kuaekuma Godi fube gana areke. Rove ise fuone ije fuka maza boeje ijia navadufuo.

Maki 7:21

Ijadufuo maeje e ije fuka ire ise binobino oe fuone ijia vierafemo. Ijadufuo fune ire ise ije fu oe fuone guove ijia vierafemo ijare urimone fune va ire ise binobino reme. Fu ire ise ije barubara oenoejo ijiakina e kaniavo ro ebuo bara turavo ijene reme. Ro kuke fu sinuome uruvana kekiro vierafekinu kairafa gue oe ise vierafekinu ro vua kufuimekinu naebe jaevekinu ire ise renoeno. Ro kuke fu e guebuo sinuome kekiro vierafekinu e guebuo vua ise kuaekinu ro aroekaranoekinu vame ise e naebe oemadiavo ije renoemo. Ijadufuo fu ire ise ijieki ijiebe oe fuone ijia usiaekoke e ije fu va ise renoeno kiae.

Ruki 5:21

Jesu fu vua ijiege e adagi ije kuaramoga e vua akae nijasiavo ijiakiro e Feresi gue bu vua ije fie. Areme bu uri bue kuae, E gure fuje fu e izeki ijadufuo fu Godido ive dabe buzeime? Ema ige fu erare e guebuo ise ije giana arekuma baki ro fune Godi fuosukuano kuae.