Matiu 9:2 - Godido Vua Maeje

² Fu ijia vakoga e gue bu e vajae garema ije dabe fata ijia nujana abe fuone ruae. Bu rovoga Jesu fu uri izege e ije bu fu ma vierafeva ije giae. Ijadufuo fu uri e ije kuae, Farino a mamoemo ije arekiro giriesane. Ise one ije nane gana arevano kuae.

Matiu 9:2 ပူးပေါင်းရင်းမြစ်များ

Matiu 14:27

Ijadufuo Jesu fu migegire kiae, Na nareno ibe jumekiro giriesano kiae.

Matiu 4:24

Fu ijiege renoekoga e bu vua fuone ije dabe kuaena are Siria guove ijia oenoe. Ijadufuo e boeje ijia kariva ije bu vua ije fiena uri e adame ise binobino abevo ijiakina e vajae fiane ro kavene ise urasiaeva ro e ije bu itire sabaekiravo ijene kaenamiana fuone ruae. Bu kuke e vajae garadiaeva ije kaenamiana rovoga fu amaeriamo bu una madiae.

Matiu 6:12

Ro ni izege e binobuo ise ije no giana arevo ijiege ni ise nuvuone guona arene.

Matiu 8:10

E ije fu ijiege kuaramoga Jesu fu vua ijene fiemo fuka urukeigia oesere. Ijadufuo fu una dakude e ije bu fu nuve vako ije kiae, Na are Isurero guove igia e bino e ige fu ma vierafemo ijiege ma vierafevo ije naka naebe giae.

Matiu 8:16

Areme ve fune musiremoga e uruvana bune uri e ije bu kavene ise nirokiaeva ijene kaenamiana Jesudo ruae. Bu rovoga Jesu fu kavene ise ije kuriaerena rorukuriamoga bu e ije arena usiae vakinu e boeje adame abevo ije amaeradiamo bu una madiae.

Matiu 9:22

Bara ije fu ijiege remoga Jesu fune fiena una dakude kuae, Kabaeno gufe ibe jumekiro nika giriesane. One a ma vierafema ijare adame one ije fune mukoe furimano kuae. Fu ijiege kuarako saroruba bara ije fune ijia una mae.

Matiu 9:5

Ja vierafe nabe e ige kuaga fu suve fuone kara tuana uri vake? Ke na kuako ise one ije nane gana arevano kuake? Vua inokiro ije na izare e gure kuaraga ja giena ma vierafedufuo?

Matiu 9:6

Ja na naebe ma vierafevo ijadufuo na nijasiaga ja ijia gana ma vierafeke. Ja ijia vierafero Ema Ijiebuo Fari ige na daro abedo na ume igia ebuo ise ije na giana arevoro ja ijiege vierafeke. Fu ijiege kuaria areme uri e vajae garema ije kuae, Ni urina suve one ije ke datena are vano kuae.

Maki 1:32

Areme ve musirema ijia e uruvana bune e adagi ijiakina e kavene ise nirokiaeva ijene kaenamiana Jesudo ruae.

Maki 10:49

Ijadufuo Jesu fune arena ijia manine una e ije kiae, E game kumeno ije kua fu igia rono kiae. Jesu fu ijiege kiamoga bu e nikuzeki ije kuae, Jesu fu a kumeno ni uri oemarekinu vano kuae.

Maki 5:34

Fu ijiege kuaramoga Jesu fu una kuae, Kabaeno, one a ma vierafemo ijare adame one ije fune kenujae. Ijadufuo nine oe dasuna va mukoreigia finoeno kuae.

Joni 16:33

Na vua ijiege kuariaekina vua ije fu ifejiaga ja oemarekinu dazena karinoeke. Ijadufuo maeje e ume igia ise renoejo ije buka ire ise binobino jone rega jaka isejavaeke. Rove igia fie, ume igadufuo daro ije nane nare asi ijadufuo maeje daro none ije fuka ma ireobo. Ijadufuo jade mamoekiro nika giriesano kiae.

Joni 21:5

Areme Jesu urina kiae, E nikaki garie ugie ije ja sanoejo ije jabe kijume bino karaevano kiae? Fu ijiege kiamoga bu una kuae, No kijume besukua be noka naebe kevano kuae.

Ekisi 14:9

E ije fuka mukoreigia fina Forudo vua ije fiemoga Foru fu ije gae. Fu gake e ije fuka vua fuone ije ma vierafemaga fu kenujakiro vierafei. Ijadufuo fu uri e ije verima areme urukeigia kuae, Eko urina koro arire manino kuae. Foru fu ijiege kuamoga e ije fuka uri furiko ajiakinu korufuo ijia oenoe.

Ekisi 19:12

Ro ire sumiki be ijeja e bu Forudo muko ijiakiro ugone iseke ije kena e adame abevo ije niriakiavo ije adame buone ije buka madiavo. Ro kuke kavene ise ije buka e ije arena usiae vako.

Ekisi 23:11

Areme muge besu ijia Jesu fu Foru ivuake ijia manina kuae, Vame ije a renoeno ije ade arekiro nika giriesane. Ni vua none maeje izege a dabe Jerusareme igia kuariaema ijiege una kuke va Romu ijia kuariano kuae.

Romeni 5:11

No Godido ireobo oemareve ijadufuo maeje fure E Ireobo Jesu Kuraesido duvado ijia vame nuvuone amaeri. Ijadufuo iviama none una fuina kafaena karinoeve.

Jemisi 2:18

Ro e be fute kuaeko, Jaeje ja ma vierafevo ro naeje na ma renoevono kuaeke. Rove igia fie, e be fu ma vierafemo rove vame maeje fu naebe kenoeno ije ma vierafemo fuone ije fuka ma baki. Ro igia fie, A nuvuone izege no Godi ma vierafevo ije guokiro vierafekuma ni vame maeje no renoejo ijia nuvuone ma vierafevo ije guone.