Matiu 5:6 - Godido Vua Maeje

⁶ Ro erarebe bu maza boeje oe buone ijiakuma Godi irere fu vierafejiamo ijiaru irinana kenoekuae vierafenoejo ije buka ireobo oemaredufuo. Ijadufuo maeje e ijiege vierafenoejo ije Godire ire boeje niduaejiake bume maza boeje ijia oemarekinu karivake.

Matiu 5:6 ပူးပေါင်းရင်းမြစ်များ

Ruki 1:53

Ro kuke fu e ije eranebe bu vasiaoriaevo ije fu ire maeje vajiagaro e ije ire uruvana zaraevo ije fu kiaga bume umuikiriasa vako.

Ruki 6:21

Ro e ije erarebe ja iviama vasiaoriavo ije janika oemarefo. Ijadufuo maeje Godire rade ire uruke vajiaga ja ike. Ro e ije erarebe ja iviama niraenoejo ije nika oemarefo. Ijadufuo maeje rade jaka oemarena kikinu oenoedufuo.

Ruki 6:25

Ro e ije ja iviama ire uruvana inoejo ije nika jumefo. Ijadufuo maeje rade jaka vasiaoriake. Ro e ije ja naebe e ifejiakuae vierafero jame kikinu oenoejo ije nika jumefo. Ijadufuo maeje rade jaeje jaka oefiane abekinu niraeke.

Joni 4:14

Ro erare fu do ige nare jiana mavo ije abe ikuma rade e ije fube una do duaeke. Ijadufuo maeje do ije nare jia miavo ije fu maza boeje ifejiaga ja vame ma karivako ije abekono kuae.

Joni 6:27

Ro igia fie, jade maza boeje uri ire ja idufuo ijiaru vierafenoevo. Ijadufuo maeje ire ije maza rade buka bakireke. Ro nika uri ire ije ja ina maza boeje ijia karivadufuo ije vierafena ijadufuo imenofo. Ro ire ije Ema ijiebuo Fari ige nare ja vajiadufuo. Ijadufuo maeje fune Godi Asoe none ijare ire ige na renoevo ijadufuo daro miemano kiae.

Joni 7:37

Areme maza ka ireobo be bu iro ina furikuvejo ijia Jesu fu urina e ije urukeigia aramaziae. Fu aramaziana kumei, E be erare do duaejoga ni none roga na do ijano kumei. Ijadufuo maeje isuibe Godido buki akae ijia bu vua be ijiege isoena kuae, Eranebe bu na ma vierafekuva do ije fu bu ifejiaga bu ma karivadufuo ije fu oe buone ijia abiesekono kumei.

Revaresoni 7:16

Ijadufuo bube una vasiaoria ro do duadiake. Ro kuke maza ijiakiro ire bino ijiebuo fete ije fube sakiake.