Matiu 5:5 - Godido Vua Maeje

⁵ Ro erarebe bu maza boeje Godido nidua ijia kabuaekabuaeki karinoejo ije buka oemaredufuo. Ijadufuo maeje e ijieki ije Godi fu rade ire maeje fu vajiako kiaema ije kena vajiake.

Matiu 5:5 ပူးပေါင်းရင်းမြစ်များ

Nabasi 12:3

(Ro e Mosisi fu e boeje bu aesakae igia oenoevo ijiebuo uve ijia fuje fuka e be kabuaekabuaekigia kenoeno.)

Matiu 11:29

Na vierafe naka ja samuagiakiro vierafe ijadufuo ni una agane none na samuagiavo ijena maziefo. Ro ni none roga na vame none maeje nijasiafo. Ijadufuo maeje nanaka e oe soegi ro kuke naka kabuaekabuaeki kenoejo. Ja naena maziekuva kavene jone bu dasu karidufuo.

Matiu 21:5

Ro vua ije fu kuaema ije bu ijiege isoe, E Jerusaremeko ije E Kini jone fu mave doniki ado ijia ajia fina jone ruome. Ro fuje fuka e kabuaekabuaeki ijadufuo fu e bijaenoevo ijiebuo e ireobo ijiege ruomo baki. Ro fume mave doniki ame ijia ajia fina ruomono kuae.

Romeni 4:13

Godi fu isuibe e Eburamekiro uifari fuone bu rade ruakuvejo ijiebuo fu kuaraema ije fu ijiege kuarae, Na ire boeje aesakae igia naovo ije na kena ja vajiakono kuae. Ro e Eburame fu Godido akae ije mukoreigia iriniaema ijadufuo Godi fu aesakae ige foteke abena uifari fuone ijena bu miaema baki. Ro fune Eburamere Godido vua ije ma vierafema ijadufuo fu Godido nidua ijia fuka maturaemoga Godi fu aesakae foteke ige abe bu miae.

Ifisiani 4:2

Ro ni mumaza e soegi rena kabuaekabuaeki igia oe vafaena kairafa jone ijena oetuanamikinu karinoefo.

Korosiani 3:12

Ro jaeje jaka Godido e ije fu oetuamo ijene ijadufuo fu ja kena una e fuone rei. Ijadufuo nika sone oe vafae ro ka e vajuki rena kabuaekabuaeki kenoefo. Ni ijiege renoekinu e ije bu ire bino baki bume isema oefiaeguma karinoejo ije ifejiafo. Ro kuke ni eranebe bu ire binofuo maza boeje ja kiakiavo ije nime sone oe vafaena ifejiafo.

1 Timoti 6:11

Ro Timoti aeje a Godido e ijadufuo ni ire ise boeje na iviama kuaraeva ije mukoreigia giana akariane. Ro nika giriesana vua ige na kuarakuvejo ijene kena mukoreigia darokuma faradiana vane. Ro ire ijeja maturaena akae karivo ijiakiro ma vierafevo ro oetuanamivo ijene. Ro kuke maza boeje giriesana ijuoebaki imevo ijiakina kabuaekabuaeki kenoejo ijene.

2 Timoti 2:25

Ro e gue eranebe bu vua fuone naebe fievo ije fuka sone oe vafaena kuariadufuo. Ro fuka ma vierafega Godi fu oe buone kame kuderiaga bu una vame maeje vierafedufuo.

Taetasi 3:2

Ro bube e guebuo vua ise kuaevo ro buka e boejena kai rena kafae karinoeke. Ro maza boeje buka e boeje ijiebuo nidua ijia e kabuaekabuaeki oenoeke.

Jemisi 1:21

Ijadufuo ni koejo mukoreigia samuanamikinu ire isekuma binobino jare vierafena renoejo ije arefo. Ro nika oe jone boeje ijiakuma Godido vua ije fu abena oe jone ijia oema ije vierafekinu oenoefo. Ja ijiege rekuva vua ije oe jone ijia tavuamo ije fuka rade ja karauniake.

Jemisi 3:13

E ije ja ma renoejo ije jade kairafa jone gue kuariana kia noeje no ma renoejono kiavo. Ro nime ire boeje kabuaekabuaeki renoega e bu ijia giana vierafero jaka ma renoejoro bu ijiege vierafefo.

1 Fita 3:15

Ro janika oe jone ijia Kuraesi E Ireobo ije aguaena ire boeje fu kuariamo ije irinana renoefo. Ro maza bino eranebe bu jone ja ma vierafevo ijadufuo zinu maeje fiekuae kiakuva janika samuaekina ja vua ijadufuo zinu maeje kuariafo.

1 Fita 3:4

Ro ja jone amaerinamikuae vierafekuva ije jaka oe jone ije fu maza boeje ijia navadufuo ije vierafena amaerinamidufuo. Ro jade uri vua gikikimana joe kuaekinu zienamikiro nika mauike oe vafaena kafae karinoefo. Ro bara erare fu ijiege renoekuma kavene fuone ije fuka Godido nidua ijia fuka irerebareki reke.