Matiu 4:4 - Godido Vua Maeje

⁴ Fu ijiege kuamoga Jesu fu una kuae, Isuibe Godido vua bu buki akae ijia isoeva ije fu ijiege kuae, Barubara bube maza boeje ire ijiaru inoekiro buka Godido vua ije vierafena renoeke.

Matiu 4:4 ပူးပေါင်းရင်းမြစ်များ

Una Kaenamiae 16:15

Areme E Isureroko bu ire ije giana vierafero bubite irerero bu una bue kuae, Ire ije irerebe naovono kuae? Bu ijiege kuaevoga Mosisi fu urina e ije kiae, Ire ije ja giavo ije fu E Ireobo ijare ire ja idufuo ije vajiae.

Una Kaenamiae 16:35

Areme e Isureroko ije bu juaevasia foti (40) ijiege bu ae sao ijia oenoekinu ire mena ijiaru ikinu vakuma ae sakae Kenane ijia usiae.

Una Kaenamiae 16:8

Mosisi fu ijiege kuaria areme kiae, Ja ijiege kuaevo ijadufuo E Ireobo fu ivia mufuo fanuve vajiaga ja ike. Ro isuome suoke ije fu una kuke burete vajiaga ja i fuka de ufiake. Ro izege ja zievo ije ja no ziegafuovo baki ro ja E Ireobo ije ziegafavono kiae.

Una Kaenamiae 23:15

Ro ja oenoeno asame Abibi ije ja Ijifiti arena ruaeva ije fu ruomo ije nika iro bu kua Burede Isiti Bakino kuavo ijene ina oemarefo. Ro ja iro ijene ikuva nika vame izege na kuariaeva ijiege rekinu iro ijene ifo. Ro kuke jade mazani seveni guove ijia ire burede isiti ijiakuma amaeriaeva ijene ivo. Ro ja nidua none ijia ruavo ije nika zinone none kejiena ruakiro jade ikiriasa ruovo.

Matiu 15:11

Ire ige no ivo fu ijare oe nuvuone kame umimiamo baki. Ro fune ire isekuma binobino no oe nuvuone ijia vierafena kuaenoevo ijare noka Godido nidua ijia naebe maturaemavo kiae.

Matiu 4:10

Areme Jesu fu una gue kuae, Setani garege vane. Ijadufuo maeje vua ije bune isuibe buki akae ijia isoena kuae, Janika E Ireobo Godi jone ma ijiaru fuosukua baname isoekiro jade una e gue iriniavono kuae.

Matiu 4:7

Fu ijiege kuaramoga Jesu fu una kuae, Godido vua bu isuibe isoeva ijia fu kuke ijiege kuae, Jade E Ireobo Godi jone maeje abe biesirivono kuae.

Maki 7:20

Jesu fu ijiege kuaria areme una kiae, E ije vua irere fu oe fuone ijia vierafemo ije fu itire ijia kuaemo. Ijadufuo fu vua ise kuaekuma ijare e ije fuka Godido nidua ijia naebe maturae.

Ruki 4:12

Rove Jesu fu una kuke Setani kuae, Isuibe buki akae bu isoeva ijia Godi fu kuae, Ade Godi E Ireobo one ije biesirimono kuae.

Ruki 4:4

Setani fu ijiege kuarae rove Jesu fu una kuae, Godido buki akae bu isoeva ijia fu kuae, Barubara bube maza boeje burete ijiaru inoeke. Ro buka Godido vua ijiaru vierafena renoekono kuae.

Ruki 4:8

Rove Jesu fu una kuae, Isuibe buki akae bu isoeva ijia Godi fu kuae, Janika E Ireobo Godi jone ijiaru fuone augesana baname isoena aroriekinu fuefuo imenoeno kuae.

Joni 15:26

Ro e ije fu ja ifejiadufuo ije fu Asoe none fino ijia ruake. Ro e ije fu Kavene Akae ije fu Godido maeje abe samadirenoeno ijene. Nare Asoe none kuaga fu Kavene Akae ije abena ja nujajiake. Ro fure vua none ije abena una ja kuariake.

Joni 6:63

Vame ma karivako ije abedufuo ije fu Kavene Akae ijare ifejiaga ja abeke. Ro jame ema jare kojo daro jone ijia vame ma karivakuva ije abekuae vierafekuva ije ja izege rekuva baki. Ro vua ige na kuariaeva ije na Kavene Akae ijadufuo vua ije kuariae. Ijadufuo fu vua ijare ja ifejiaga ja vame ma karivako ije abeke.

Romeni 15:4

Ro vua boeje bu isuibe buki akae ijia isoeva ije bu no nijasuokuae isoe ijadufuo no vua ije dana vierafeke. No vua ije ma vierafekuva vua ijiebe no ifejuo ro ejafuoga nobe mamoeke. Ro noka giriesana uri ma vierafero Godi fu maza rade ire ma bino nuvuone rejuokiro no ijiege vierafekinu zinune ke vake.

Ifisiani 6:17

Ro ni vame izege Godi fu ise nuvuone ijia karaunuomo ije abena nigofo jone ijia ati gikikimana igege abiesefo. Ro kuke ni Godido vua ije Kavene Akae fu kuaramo ije abena sime uiki igege uti farefo.