Matiu 3:9 - Godido Vua Maeje

⁹ Ro jade kuaeko nono asae nuvuone Eburamedo uifarido Godi fube ijuoegafiakiro ijiege kuaevo. Rove igia fie, Godi fu e darokido fu mune gure kena una e Eburamedo anafa amaeriaga bure ae jone abekono kiae.

Matiu 3:9 ပူးပေါင်းရင်းမြစ်များ

Maki 7:21

Ijadufuo maeje e ije fuka ire ise binobino oe fuone ijia vierafemo. Ijadufuo fune ire ise ije fu oe fuone guove ijia vierafemo ijare urimone fune va ire ise binobino reme. Fu ire ise ije barubara oenoejo ijiakina e kaniavo ro ebuo bara turavo ijene reme. Ro kuke fu sinuome uruvana kekiro vierafekinu kairafa gue oe ise vierafekinu ro vua kufuimekinu naebe jaevekinu ire ise renoeno. Ro kuke fu e guebuo sinuome kekiro vierafekinu e guebuo vua ise kuaekinu ro aroekaranoekinu vame ise e naebe oemadiavo ije renoemo. Ijadufuo fu ire ise ijieki ijiebe oe fuone ijia usiaekoke e ije fu va ise renoeno kiae.

Ruki 16:24

Ijadufuo fu uri kumei, Eburame asoeno a na giega abe oefiadane. Ni a isekie Rasarasi kuaga fu umui fuone do ijia abiena ro itire none igia aziriega fu garadiene. Ijadufuo maeje naka miane ige naeno ijia vajae fiane ireobo abevono kumei.

Ruki 19:40

Rove Jesu fu una kiae, Na kuriaere bu arekuva mune gure naovo ije buka uri na dabe aroriekono kiae.

Ruki 3:8

Rove na ige kuariako fiefo. Ude nika va vame ma ijiaru renoega e boeje bu giana vierafero ja vame ise jone ja kenoejo ije jane arevaro bu ijiege vierafefo. Ro jade kuaeko nono asae nuvuone e Eburamedo uifari ijadufuo Godi fube no ijuegafuokiro ja ijiege kuaevo. Ro igia fie, Ja naebe ise jone arekuva Godi fu e darokido fuka mune gure kena una e Eburamedo uifari amaeriaga bu are jone abekono kiae.

Ruki 5:22

Bu ijiege kuaevoga Jesu fune izege bu vierafeva ije fune giae. Ijadufuo fu urina kiae, Ja irerefuo ja duna ijieki ije kuaekuae oe jone ijia vierafei.

Ruki 7:39

Ro e Feresi ije Jesu kuamo fu fuobiki ire ikiro vaema ije fu bara ije irere fu remo ije gae. Areme fu una fue kuae, E ige fu ma e Godido vua vierafena kuaemo ijarekuma fu bara ije fu bara izeki ijare fu niriaemo ije fu vierafekono kuae. Ro kuke bara ije fu vame ise izeki kenoeno ije fu vierafekono kuae.

Joni 8:33

Jesu fu ijiege kuariamoga bu urina kuae, Noeje no e Eburamedo uifari ijadufuo no una e binobuo imevo baki. Ro a irerefuo kuae, No vua maeje abe ma vierafekuva fu ise nuvuone ije bu no toenamueva ijia karaunuokono kuae?

Joni 8:37

Na vierafega jaeje ja e Eburamedo uifari. Rove ja vua none ige na nijasiavo ije ja mukoe fievo baki ijadufuo jaka na kaniekuae vierafe.

Joni 8:53

A vierafega a are aka e anuigi ro Eburame fuje fu e isekubero a ijiege vierafe? E Eburamekiro e Godido vua vierafena kuaevo ije bune oe furi. Ro aeje a era varekiga a vua ijiege kuaemono kuae?

Ekisi 13:26

Ro erafano, e Eburamedo uifari guriakiro e Godi ma vierafevo gurie na igia kuariako fiefo. Godi vua ije fu e karauniadufuo fu nijuema ije fu no nijue.

Romeni 4:1

Ro ja vierafe asae nuvuone e Eburame fu isuibe Godi ma vierafema ije fu no irere nijasuome?