Matiu 3:5 - Godido Vua Maeje

⁵ Joni fu ijiege renoenoga e boeje are Jerusareme kariva abero aesakae Judia kariva ije bu biona fuone ruae. Bu ijiege rekoga e are isesina do Jodeni irifo ijia kariva ije bu vua fu kuaemo ije fiekuae ruae.

Matiu 3:5 ပူးပေါင်းရင်းမြစ်များ

Matiu 2:1

Ro maza ije bu Jesu are Betirieme sakae Judia guove ijia bieteva ijia fu e Erodire e ireobo rena aesakae ije samuamo. Ijiege rekoga rade e bino bu are mazani ajiamo nake ijia ruoma Jerusareme usiae. Ro e ije ruaeva ije bu karina zuvi ijia nuga sumiki bino rerevo ijiebe ruae.

Matiu 4:25

Fu ijiege renoenoga e ka uruvana bu uri fu nuvena dabe arafiri vae. E are Gareriko ije abero e sidove teni (10) guove ijia kariva ijiebe uri fu nuve vae. Ro kuke e sidove Jerusareme ijia kariva ijiakina e aesakae Judia kariva ijene ro e do Jodeni gara kariva uruvana ijiebe uri fu dabe arafiri vae.

Maki 1:5

Fu ijiege kuariakinu renoekoga e boeje Judia ivuake ijia kariva ije abero e Jerusaremeko ije bu Jonido vua ije fiena fuone ruae. Bu ro do Jodeni ijia ise buone visuna Godi kuarakoga Joni fu bu kaenamiana do ruoriae.

Ruki 16:16

Ro igia fie, e ije bu isuibe karina ruaeva ije bu Mosisido akae ijiakiro e Godido vua vierafena kuaevo ijiebuo vua bu isoeva ijia giana nuvediakinu karina ruoma e Jonido maza ijia usiae. Areme Joni fu uri zinuevena Godido vua maeje izege fu e fuone ijiebuo oe ije samuagiadufuo ijene kuaekoga e gue bu duaku bu uri vua maeje dabe kuaenoe. Ijadufuo iviama e boeje bu vua ije fiena buka una Godido e ijena besu maziekuae giriesave.

Ruki 3:3

Ijadufuo Joni fu vua ije fiena fune kekena do Jodeni ruvaema ijia oenoekinu e ije vua kuariae. Fu kiae, Ni ise jone arena una do ruega Godi fu ise jone giana areno kiae.

Ruki 3:7

Ijadufuo e boeje bu vierafe buka Joni fino ijia roga fu do ruoriakiro bu ijadufuo ruae. Bu rovoga Joni fu urina kiae, E gure ka omeise tabare igege renoejo gurie ise jone ja renoejo ije jaka naebe arei. Ja vierafero jane do ruekuva Godi fube ja kena isekafiakiro ja ijiege vierafei.

Joni 3:23

Ro maza besu ijia e Joni fudua fu are Aenoni are Sarime ivuake ijia fine. Ro are Aenoni ijia fuka do boeje ijadufuo e boeje bu fuone ruakoke fu kaenamiana do ruoriame.

Joni 5:35

Ro e Joni vua fu kuaenoema ije fu ikuosae abe sanana ruaema ijieki. Fu sanaema ije abe romoga jame maza aokube fu oemarejae.