Matiu 20:2 - Godido Vua Maeje

² Ijadufuo e ije fu vierafe fuka e bino kega bu fuefuo imeke. Ijadufuo fune va e ije kiae, Ja mazani besu noefuo imekuva na e besubesu moni sunine bino enafu vajiakono kiae. Fu ijiege kiamo bune oemarena juare fuone ijia imekuae vae.

Matiu 20:2 ပူးပေါင်းရင်းမြစ်များ

Revaresoni 6:6

Areme na fieke ire fo ni uria kariva ije uve ijia ire be fu e igege vua kuaena kumei, E ije kikekimiaga bu moni mamekanu karana ire isesina ijia koreno kumei. Ijadufuo e bu mu besu imekuva bu raesi fasoro besu fuaeveke ro baga farava fasoro besu fuaeveke. Ro ine orivi sunine ijadufuo safine ijiakiro ire vuaeni safini ije ade faradia giamono kumei.

2 Timoti 3:15

Ro a uria ame isekube ijia bune Godido vua bu isuibe isoeva ije nijasae. Ro vua ije bu nijasaeva ije fu manido fu e ije bu Jesu Kuraesi ma vierafevo ije karauniake.

Ruki 10:35

Areme nituame fune uri moni sunine bino karana e ije are samuamo ije vajae. Fu vajana kuae, Ni e ige mukoreigia samuake na vaekiro na una rone. Ro na una ruakuva ni ire izege a fuone akoema ije kuariega na una ve ijadufuo vajano kuae.

Ruki 1:15

Ro fuje fu Godido nidua ijia fuka e anuigi be reke. Ro e ije fu ire vuaeni ijiakiro do kugi bino fube ike. Ro bu e ije bietekuva Kavene Akae ije fuka fu dabe nirodufuo.

Matiu 22:19

Ni va moni sunine ja takesi redufuo ije be abe nijasie na gano kiae. Fu ijiege kiamoga bu urina moni sunine be abe mavoga fu abe nijasiakinu kiae, Ni igia gafo. Ja gaga uikubae igiakiro ive ije isoeva ije bu eradono kiae?

Matiu 20:13

Bu ijiege kuaravoga e juare koeki ije fu urina e ije vua kuaemo ije kuae, Kaino nana ja biesiraeva baki. Ro vua irere na ja kuariaeva ije nane ijiege rena moni jone ije vajiave.

Matiu 18:28

Rove fu va oenoena areme una kai fuone be fu ude moni fuone isekube kuamo fu vajaema ije bie. Fu biena keke uro ijia farena kuae, Eko iviama migegire moni none a ima ije una vajieno kuae.

Matiu 9:37

Ijadufuo Jesu fu una dakude e vua fuone fievo ije kiae, Godido juare ijia ire ije na giaga buneka uruvana duive. Rove e ije juare masina ire ijene kanafui are ma ijia nadufuo ije buka sibanekua.

Matiu 20:1

Ijadufuo e ije Godi fu oe buone ije samuagiamo ije fu e juare koeki ije fu suoke mugamia kekena va e kiaga bu fuefuo imejake fu moni vajiakuma igeki.

Matiu 20:3

Bune vakoga fune maza ajia ruaema ijia una kuke are bu ire fuaevejo ijia vaga e gue bu ijia irenoevo fu giae.

Ruki 20:24

Ni moni sunine be abe nijasie na gano kiae. Fu ijiege kiamoga bu abena nijaevo fu kiae, Ja vierafega uikubae igiakiro ive ige isoeva ije fu eradono kiae? Ro e ije bu una kuae, Fu Sisa e Romukobuo e ireobo ijadufuono kuae.

Matiu 20:9

Ijadufuo e ije rade maza kokuveno ijia imekuae vaeva ije bune i buone bu meva ijadufuo moni sunine buone abei.