Matiu 2:6 - Godido Vua Maeje

⁶ Aesakae Judia guove ijia sidove mamekanu gue bu kariva ijiebuo uve ijia sidove Betirieme aeje aka sidove ma isekube baki. Ijadufuo maeje rade are ame fari be sidove ijia nafeke. A ame ije nafega fure rade E Ireobo rena e Isureroko none boeje samuagiakono kuae.

Matiu 2:6 ပူးပေါင်းရင်းမြစ်များ

Iko Zinume 49:10

Juda fuka kini rena ire boege samuagiake ro rade uifari fuone budua bu maza boeje e gue samuagia vaga e anuigi be fu ruake. Bu ijiege rena e boeje aesakae binobino ijia karivo ije bu una e anuigi ije irinana ire ni mukore ije karina ro fu vajake.

Nabasi 24:19

Ro e Jekafudo uifari ijia E Ireobo be fu Kini rega fure e nugune bu uria sidove Ireobo ijia kariva ije ka uinitu furikono kuae.

Matiu 2:1

Ro maza ije bu Jesu are Betirieme sakae Judia guove ijia bieteva ijia fu e Erodire e ireobo rena aesakae ije samuamo. Ijiege rekoga rade e bino bu are mazani ajiamo nake ijia ruoma Jerusareme usiae. Ro e ije ruaeva ije bu karina zuvi ijia nuga sumiki bino rerevo ijiebe ruae.

Matiu 28:18

Ijadufuo Jesu fu kekena kiae, Ire boeje saove gufia ro ume igia naovo ije nare daro ije Asoe none fu miema ijia samuagiave.

Joni 21:16

Areme Jesu una kuke kuae, Saemoni Fita e Jonido fari gure abe na mukoe oetuamo ke a bakino kuae? Ro Saemoni Fita fu una kuae, E Ireobo none na a oetuavo ije ane giena vierafemano kuae. Rove Jesu una kuae, Mave-sifi none ije mukoreigia samuagiaejieno kuae.

Joni 7:42

Ro Godido buki akae ije bu isuibe isoeva ijia fu kuae, E Ije Godi fu kua fu ruadufuo ije fu e Devidido uifari ijia ruakono kuae. Ro kuke E Ije bu are Betirieme e Devidi fu fino ijia bietekono kuae.

Ifisiani 1:22

Godi fu Jesu Kuraesi daro mamoga fure ire boeje samuagiame. Ro kuke Godi fu Jesu Kuraesi kuaga fu sosi ijadufuo nigofo reme. Ro erarebe no Jesu ma vierafena sosi ijia besu afuivo ije no Jesudo vajae ijene. Ijadufuo fune e besu Jesure korufuo fina ire boeje aesakae igia ro saove gufia naovo ije samuagiame. Ro kuke fune fure e ije no sosi ijia besu afuivo ije samuaguome.

Korosiani 1:18

Ro fuje fu e ije bu Godi ma vierafevo ijiebuo nigofo ijene. Ro ige bu karina ruovo ije zinume ije fure. Ro e boeje bu naebe nafeva ijia fuje fune ude ijia fina ruae. Ro kuke fune fure amure baronena una uri. Ijadufuo fune fure fikinu ire boeje samuagiame.

Iburu 7:14

Ijadufuo maeje no vierafe Jesu fu e Judiako ijiebuo uifari. Ro Mosisi fu naebe kuae e Judiako ijiebuo uifari ijia e be fu Godido zinone ifaejiamo rekono kue.

Revaresoni 11:15

Anera naba seveni ije fune vegu fuone ije dabe ufenoga e uruvana bu saove ijia urukeigia kumei, E daroki ije fu aesakae boege samuadufuo ije fune iviama una Godi E Ireobo nuvuone ro E Ije fu kuamo fu ruaema ijadufuo daro rotire ijia fine. Ijadufuo fure maza boeje aesakae ige samuakinu fivake.

Revaresoni 2:27

Ro jare izege na Asoe none ijadufuo daro ije abeva ijiege ja daro abena bu darokuma samuagiadufuo. Ro bu naebe ja iriniakuva ja bu kame ire sukore ise bu abe mutuvo ijiege kame urukeigia isekafiake.

Revaresoni 7:17

Ijadufuo maeje Mave-Sifi Ame ije fu fata ukua ijia fino ijare bu samuagiake. Ro fure kaenamiana do maeje bu ina ijia karivadufuo ijia uniake. Ro Godi Asoe ijare maza boeje oefiane buone ije dasumiake.