Matiu 2:2 - Godido Vua Maeje

² Bu usiaena e ije kiae, Ame iseke ije fu rade e Jiusibuo e ireobo redufuo ije bu izia bietei? No nuga fuone sumiki be ire zuvi ijare are mazani ajiamo nake ajia romo no gae. Ijadufuo no fuone baname isoena kuri tuakafakuae ruaevano kiae.

Matiu 2:2 ပူးပေါင်းရင်းမြစ်များ

Nabasi 24:17

Ro kuke na e ije fu e Isureroko no karaunuodufuo ije nane gae. Rove e ije fu iviama ruakuma baki ro sone rade ruake. Rade e Jekafudo uifari ijia e be fu uri Kini rena fure e Moabaetiko ijiakiro e Setido uifari bu ae sao ijia kariva ijene kame arafiriadufuo.

Matiu 2:3

Bu ijiege kuarianoejoga e Erodikiro e boeje sidove Jerusareme guove ijia kariva bu vua ije fievo buka ireobo defarudiae.

Matiu 21:5

Ro vua ije fu kuaema ije bu ijiege isoe, E Jerusaremeko ije E Kini jone fu mave doniki ado ijia ajia fina jone ruome. Ro fuje fuka e kabuaekabuaeki ijadufuo fu e bijaenoevo ijiebuo e ireobo ijiege ruomo baki. Ro fume mave doniki ame ijia ajia fina ruomono kuae.

Matiu 27:11

Ijiege rena e mamekanu ije bune Jesu mesirina va e Romuko ijiebuo e ireobo Faereti fu fino ijia vae. Areme bune kuavo fu Faeretido nidua ijia manikoga Faereti fu urina kuae, A vierafega aeje ane ma e Jiusi ijiebuo kini ijeno kuae? Fu ijiege kuamoga Jesu fu una gue kuae, Ke vua ije a kuaemo ije a ma kuaemono kuae.

Ruki 19:38

Bu oemarekinu kumevo, No vierafe Godire Kini ige fu E Ireobo ijadufuo ive ijia ruomo ige daro make. Ro no vierafe ire boeje saove gufia naovo ije buka kafaena ijia naovake. Ro kuke noka Godido ive ije dabe aroekono kumei.

Ruki 2:11

Ijadufuo maeje ivia e Devidido sidove igia e ije e karauniadufuo ije bune bietei. Ro e ije bu bieteva ije fu e ije Godi fu kuaga fu ruakono kuaeva ijene.

Ruki 23:3

Bu ijiege kumevoga Faereti fu vua ije fiena una Jesu kuae, Ijadufuo a vierafega ane ma e Jiusibuo Kini ijeno kuae? Ro Jesu fu una kuae, Vua ije a kuaemo ije ane ma kuaemono kuae.

Ruki 23:38

Ro Faereti fu vua be ijiege isoena Jesudo kurosi ubine ijia kanae. Ro vua ije fu ijiege isoena kuae, E ige fu e Jiusi ijiebuo Kini ijeno kuae.

Joni 1:49

Ro Natanero fu una kuae, E Nijasiamo na vierafega aeje a ma Godido Fari ro kuke a e Isureroko ijiebuo Kinino kuae.

Joni 12:13

Ijadufuo e boeje bune uri kukuame kiaeje ije mukiena vame ijia Jesu bienumakuae vae. Bu usiae vakinu urukeigia vijekinu kumei, No Godido oemareke. Godire e Isurerokobuo Kini ije fu E Ireobo ijadufuo ive ijia ruomo ijene oemarejakono kumei.

Joni 18:37

Jesu fu ijiege kuaramoga Faereti fu una kuae, Ijiekido na vierafega a e kini beno kuae? Ro Jesu fu una kuae, A kie aeje a e kini beno kie? Rove igia fie, ume igia bu bietanieva ije na vua maeje abe e ume igia oenoevo ije kuariake. Ijadufuo erare fu vame maeje oetuana kenoeno ije fu vierafega vua na kuariavo ije fuka maro fu ijiege vierafemo.

Joni 19:19

Bu ijiege kaniakoga Faereti fu vua be ijiege isoena dabe Jesudo kurosi ubine ijia kanae, E Jesu fu are Nasaretiko fu e Jiusibuo Kini ijeno kuae.

Joni 20:28

Fu ijiege kuaramoga Tomasi fu una kuae, E Ireobo na vierafega aeje aka ma E Ireobo none ro kuke a ma Godi noneno kuae.

Joni 5:23

Ro na ijiege revo ijadufuo e boeje bu izege Asoe none ije bu aroevo ijiege buka una na dabe arorieke. Ijadufuo eranebe bu naebe na arorievo ije bu kuke Asoe none fu kiemo na ari ruaeva ije aroevo baki.

Joni 9:38

Ijadufuo e ije fu uri Jesu auge sana kuri tuakafana kuae, E Ireobo, iviama nane a ma vierafevano kuae.

Iburu 1:6

Ro maza ije Godi fu Fari fuone besu ije kuaga fu ume igia ruakuveno ijia fu kuae, Anera boeje nika fu augesana baname isoeno kiae.

Revaresoni 22:16

Na Jesu nare anera none ije kuavoga fu vua ije abena sosi ijia kuariakiro vuae. Ro naeje na e Devidido uifari na agane fuone ijia uinuvena ruae. Naeje na ire zuvi ije mukoreigia sanamo ije fu ve irasekiro ajiamo ijene.