Matiu 17:9 - Godido Vua Maeje

⁹ Ijiege re areme bune una uruo ijia ari vako ijia Jesu fu kiae, Ja ire gufe fu remo ja gaeva ije jade va e gue kuariavo. Jani areke Ema ijiebuo Fari ige na baronenaro una uriga ni ijare kuariano kiae.

Matiu 17:9 ပူးပေါင်းရင်းမြစ်များ

Matiu 12:16

Fu amaeriama areme kiae, Ja vaga ebe giana kiako, ja erare amaeriaemano kiaga jade kuariavono kiae.

Matiu 17:12

Rove igia fie, e Eraeja vareki be fune ude ruae rove e bu naebe fu mukoreigia gana vierafei. Ro buka uri ire ise boeje binobino fuone rei. Ijadufuo Ema ijiebuo Fari ige nadua buka dabe vame besu ijiege ise binobino none rekono kiae.

Matiu 17:20

Ro Jesu fu una kiae, Ijadufuo maeje Godi jaka ireobo vierafevo baki. Naka ma kuariavo igia fie, Jone ja Godi ma vierafevo ije fuka isekube ine sira sunine ijiekikuma ije jane mani. Ja manido ja uri nafare ije kuako, Ni nafe bio garia manino kuakuva fu ijiege reke. Ijadufuo ja ma vierafekuva ja manido ja ire boeje renoedufuo.

Matiu 17:22

Areme e vua fuone fievo ije bune una Gareri ijia besu afui. Bu besu afuivoga Jesu fu uri kiae, Iviama igiebure e bu Ema ijiebuo Fari ige na toenamiena dabe una e ise ije miake. Areme e ije bu dabe kaniega na baroneke. Rove maza inokubeke furike Godi fu kiega na una urikono kiae. Fu ijiege kuariamoga e vua fuone fievo ije buka ma ireobo oe fiane abei.

Matiu 17:8

Areme bu uri gake e inokiro ije bu bakiro fu Jesure fuosukua ijia manino bu gae.

Matiu 8:20

Fu ijiege kuaramoga Jesu fu una gue kuae, Ije a ma kuae rove igia fie, Siroe taraeko fokisino kuavo ijiakiro ume ije bu mako ro nae buone bu amaeriaeva ijia karikinu oenoevo. Ro ema igiebuo fari ige naeje nana are none na ijia fikinu ro nae fu madiega na una uri i menoedufuo ije na bakino kuae.

Matiu 8:4

Areme Jesu fu urina kua, Ade va e bino irere na one reva ije kuariakiro nime ude va e Godi zinone ifaejamo ije vajae one abe fu nijaene. Areme ni ire bino kena e Mosisido akae ije fu kuaema ijiege una Godi zinone ifaejaga e bu ijia gana vierafero adame one fune bakiremaro bu ijiege vierafeno kuae.

Maki 8:30

Fita fu ijiege kuaramoga Jesu fuka uri kuriaerena kuae, Vua ije a kuaema ije jade va e kuariavono kiae.

Ruki 8:56

Jesu fu ijiege remoga bara iseke ijadufuo orafa ije buka oeseradiana safusiae. Ijadufuo Jesu fu una kiae, Jade va ire ige na reva ije una e bino kuariavono kiae.

Ruki 9:36

Godi fu ijiege kuariama furikoga Jesu fune fuosukua ijia manino bu gae. Ijiege rena e inokubeke Jesudo vua fievo ije bu maza ijia ire boeje bu giaeva ije bu naebe una e bino kuariae.