Matiu 16:3 - Godido Vua Maeje

³ Ro suoke fu saove garia kaziga ja kuaevo fu ve ireobo dakuveno kuaevo. Ijadufuo ja mazani gare fu ve dakuve ro baki ije jane saove garia izege fu remo ijia gana kuaevo. Ro iviama na igifureki ire sumiki bino renoeko jane gieve rove ja ire ijiebuo maeje jaka naebe mukoe giana vierafeve.

Matiu 16:3 ပူးပေါင်းရင်းမြစ်များ

Matiu 11:5

Ro ni kua e ije bu ni kuzeva ije bune una ni nafaekinu ro e aekirariaeva ije bune una uri oenoeve. Ro e ije bu adame reforasi abeva ije bune una madiakoke e ada bijuki ije bune una vua fievono kuafo. Ro kuke kua e ije bu oeva ije bune una urikoke e iseki ije bune Godido vua maeje fieve.

Matiu 15:7

E gure ka iti kufuiki vua ijia marenoejo gurie, Na vierafe Asaea e Godido vua vierafena kuaemo vua irere fu isuibe joefuo kuaema ije fuka ma.

Matiu 22:18

Bu ijiege kuarae rove Jesu fu vua buone kufui ije fune giae. Ijadufuo fu una kiae, E gure ka iti kufuiki gurie, ja irefuo na biesiriekuae ruae?

Matiu 23:13

Jesu fu ijiege kuariama areme kiae, E vua akae nijasianoevo ijiakiro e Feresi iti kufuiki gure janika jumefo. Ijadufuo maeje ja e ije bu Godido e rekuae ruovo ije jaka jare vame buone ije bijukuriavo. Ro kuke jadua ja Godido e ije fu oe buone ije samuagiamo ijena besu maziekuae vierafevo baki.

Matiu 4:23

Areme Jesu fune ve ijia urina are Gareri guove ijia are isesina e Jiusi bu afuina vua kuaevo ijia aruna oenoekinu vua nijasianoe. Fu vua nijasianoekinu e boeje vua maeje Godi fu izege oe buone ije samuagiadufuo ijene kuarianoe. Fu ijiege renoekinu kuke e iseki boeje adame abekinu ro aekirariaeva ije karauniae.

Ruki 11:44

Rove na igia kuariako fie. Jaeje jaka e mako viene ije bu bigiake ijia utanoejo ijieki. E bu vame ijia ja biediavo ije bu vierafero jaeje jaka e maro bu ijiege vierafe. Rove oe jone guove ije buneka ma oeva igekino kiae.

Ruki 12:56

Ijadufuo e gure ka iti kufuiki gurie, ja ire bino bu ume igia ro saove ijia revo ije jane samadukua giana vierafevo. Ro ja irerefuo ire ige na renoevo ije jaka naebe mukoreigia giena vierafeve?

Ruki 13:15

Fu ijiege kuariamoga Jesu fu una kuae, E gure iti kufuiki gurie, vua ije ja kuaevo ije jaka ijiege renoeno baki. E gue ja maza ije ja mauike karivo ijia jaka osekiro doniki jone ja kiriaeva ije irana kaenamiana va do vajiaga bu ivo.

Iburu 5:14

Ro vua maeje na ja kuariakuvejo ije fu ire gikikimana ije no ijo ijieki. Ro vua ijieki ije bu e Godi ma vierafena e damuiki reva ijiebuo vua. Ro kuke fu e ije eranebe bu maza boeje Godido vua ije mimatana nuvevo ijiakina e ije vame ise ije giana akariakinu ro vame maeje ijiaru renoevo ijiebuo vua.