Matiu 13:3 - Godido Vua Maeje

³ Areme fune urina vua fuone boeje fu kuariaema ije fuka ke mena kuariae. Fu kiae, Ni e be juae meno fu juare fuone ijia uije daejukiro vaema ije vierafefo.

Matiu 13:3 ပူးပေါင်းရင်းမြစ်များ

Matiu 13:4

E ije fune va uije korenoeko uije gue bu duoena vame ije e bu oenoevo irifo ijia arivo bune ume ijiebe arina kari i.

Matiu 13:53

Jesu fu vua ijiege mena kuariama furina fune una are fuone ijia vae.

Matiu 22:1

Areme Jesu fu una kuke vua be ijiege mena kuariae. Fu kiae, E ije Godi fu oe buone ije samuagiamo ije fu e kini be fu aesakae samuamo fu fari fuone fu bara abekuveno fu iro ireobo be ikiro kanafuima igeki.

Matiu 24:32

Jesu fu ijiege kuaria areme uri ine makame ijia bijana kuariae. Fu kiae, Ni ine makame ije gana vierafefo. Maza ije ine makame fu a kanamone ja gana vierafero mazani ije juare mevo ije fune ivuaremoro ja ijiege vierafevo.

Maki 12:1

Areme Jesu fune uri zinuevena vua bino mena e boeje kuariae. Fu kiae, E be fu sakae fuone ijia juae mena faere kira ufuaenoena arei. Fu ijiege rena fune juare guove ijia are bedua bu ijia karina juare samuadufuo ije sae. Areme fune uri e bino kemo bu juare fuone samuakoga fune are mumabo ijia vae.

Maki 12:12

Jesu fu vua ijiege kuariamoga e Jiusi ijiebuo e mamekanu bu vierafega vua ije fu mena kuaemo ije fu buesina kuae. Ijadufuo buka Jesu fare tokuae vierafei. Rove buka e boeje ruaeva ije jume ijadufuo bu naebe ire be fuone rei ro bume ijia arena vae.

Maki 3:23

Bu ijiege kuavoga Jesu fu vua ije fie. Ijadufuo fu urina e ije kumeno bu rovoga fu vua be ijiege mena kuariae. Fu kiae, Ja vierafe kavene ise Setani fube una korofuo rorukuranamikono kiae?

Maki 4:13

Jesu fu ijiege kuaria areme kiae, Ja vua ige na mena kuariavo ije ja naebe mukoreigia fiekuva ja izege una vua bino na rade mena kuaevo ije mukoe fiena vierafeke.

Maki 4:33

Jesu fu vua ijieki uruvana ke mena kuariako bu fiena vakuma buneka manivoga fu ijia arei.

Ruki 12:41

Areme Fita fu urina Jesu kuae, E Ireobo vua ije a mena kuaruema ije a no fiedufuo ije kuarue ke a e boeje ijiebuo kuaruemano kuae?

Ruki 8:10

Bu kuaravoga fu una kiae, Godido vierafe sauiki ije izege fu e karauniaga bu una e fuone ijena mazievo ije fune abena ja samadirejiae. Ro una e ije gue bu Godi ijuonevo ije na ijiege ke mena kuariaekina bu fiena uri rereke rove bube giake. Ro kuke bune fieke rove vua ijadufuo asune bube mukoreigia vierafekono kiae.

Joni 16:25

Ro vua boeje na kuariaeva ije na ke mena kuariae. Ro vakuma maza abekuma nabe una vua bino ijiege mena kuariake. Ro naka Asoe none ijadufuo fuesina samadukua visuna kuariaga ja fieke.