Matiu 11:3 - Godido Vua Maeje

³ Bune vakuma fu fino ijia usiaena kuae, Aeje a e ije Godi fu kua fu ruakono kuaema ije ke a bakido no una e be samuakono kuae?

Matiu 11:3 ပူးပေါင်းရင်းမြစ်များ

Iko Zinume 12:3

Ro nare e ije erarebe bu a marejavo ijene daro miana samuagiakinu marejiake. Ro erarebe bu a kuravajana vafakuva ije nare una ve bu kuravajiana vafiake. Ro e boeje aesakae igia karinoeva ije na one duvado ijia bu marejiake.

Iko Zinume 3:15

Ro kuke nare kuaedo a maza boeje bara ijiaki zienamikinu karivake. Ro maza boeje uifari one ijiakiro bara ijadufuo uifari ije buka bue nibijaekinu oenoeke. Ro kuke e bu diake utaenamaga a sakiakuma bu kana nigofo one dabe furasekono kuae.

Iko Zinume 49:10

Juda fuka kini rena ire boege samuagiake ro rade uifari fuone budua bu maza boeje e gue samuagia vaga e anuigi be fu ruake. Bu ijiege rena e boeje aesakae binobino ijia karivo ije bu una e anuigi ije irinana ire ni mukore ije karina ro fu vajake.

Nabasi 24:17

Ro kuke na e ije fu e Isureroko no karaunuodufuo ije nane gae. Rove e ije fu iviama ruakuma baki ro sone rade ruake. Rade e Jekafudo uifari ijia e be fu uri Kini rena fure e Moabaetiko ijiakiro e Setido uifari bu ae sao ijia kariva ijene kame arafiriadufuo.

Matiu 11:10

Ijadufuo maeje Godi fune isuibe buki akae ije bu isoeva ijia fu e Jonido ijiege kuae, Na e vua none abe oenoeno be kuaga fu ude vuake. Fure ude vame one ije amaeria vakono kuae.

Matiu 11:4

Bu ijiege Jesu kuaravoga fu kiae, Nine una va Joni irere boeje ja fiekinu giaeva ijene kuarafo.

Matiu 21:5

Ro vua ije fu kuaema ije bu ijiege isoe, E Jerusaremeko ije E Kini jone fu mave doniki ado ijia ajia fina jone ruome. Ro fuje fuka e kabuaekabuaeki ijadufuo fu e bijaenoevo ijiebuo e ireobo ijiege ruomo baki. Ro fume mave doniki ame ijia ajia fina ruomono kuae.

Matiu 21:9

Ijiege rena e boeje bune guegue irena vako Jesu fu ukua ijia vae. Fu ijia vakoga e boeje bu vijekinu kumei, No e Devidido Fari ige dabe aroeke. No vierafe Godi fu e ije fu E Ireobo ijadufuo ive ijia ruomo ije daro make. Ro noka Godido ireobo oemarekono kumei.

Maki 11:9

E gue bu ude vako gue bu rade nuve vakinu kumevo, No Godido ive ije abe aroeke. No vierafe Godire e ige fu E Ireobo ijadufuo ive ijia ruomo ije daro make. Ro kuke no vierafe Godire izege fu ude e Devidi daro mamoga fu asaerafa nuvuone samuagiaema ijiege fu una kuke e ige fu ruomo ije daro maga fu no samuaguoke. No Godi E Ireobo kave gufia ijia fino ijadufuo ive ije dabe ajiakono kumei.

Ruki 19:38

Bu oemarekinu kumevo, No vierafe Godire Kini ige fu E Ireobo ijadufuo ive ijia ruomo ige daro make. Ro no vierafe ire boeje saove gufia naovo ije buka kafaena ijia naovake. Ro kuke noka Godido ive ije dabe aroekono kumei.

Joni 11:27

Jesu fu ijiege kuaramoga Mata fu kuae, E Ireobo na vierafega aeje a ma Godido Fari. E Ije bu kuae fu ruakono kuaeva ijeno kuae.

Joni 12:13

Ijadufuo e boeje bune uri kukuame kiaeje ije mukiena vame ijia Jesu bienumakuae vae. Bu usiae vakinu urukeigia vijekinu kumei, No Godido oemareke. Godire e Isurerokobuo Kini ije fu E Ireobo ijadufuo ive ijia ruomo ijene oemarejakono kumei.

Joni 16:14

Kavene Akae ije fu vua boeje na kuaravo ije abe ja kuariaga e boeje bu none sanaema ije dabe aroekinu oemarenoeke.

Joni 4:21

Bara Sameriako ije fu ijiege kuamoga Jesu fu una kuae, Vua ige naka ma kuaravone mukoreigia fiene. Maza rade nobe una uruo igia ro are Jerusareme ijia karina Godido baname isoekinu fu aroeke.

Joni 6:14

Ijiege rena Jesu fu ve ijia ire sumiki ije remoga e boeje bu gae. Areme bu kuae, E Ije fune ma e ije Godido vua vierafena kuaemo fu ruakono kuaema ijeno kuae.

Joni 7:31

Rove e ije afuiva ijia e uruvana buka fu ma vierafei. Areme bu una bue kuaevo, No vierafe E Ije bu isuibe kuae fu ruakono kuaeva fu ruakuma fube ire sumiki bino e gare fu rema ije asina rekono kuae.

Iburu 10:37

Ijadufuo maeje Godi fune isuibe e ije fu kuamoga fu ruaema ije fuefuo fu ijiege kuae, Fu maza aokube ijia una ruake ro fube saroeke.