Matiu 10:4 - Godido Vua Maeje

⁴ Ro kuke Saemoni e ije bu kua Serotino kuavo ijiakiro Judiasi e ije bu kua Isikariotino kuavo e ije fu Jesu abe una e ise revo ije miaema ijene kei.

Matiu 10:4 ပူးပေါင်းရင်းမြစ်များ

Matiu 26:14

Areme e tuero Jesudo vua fievo ijia e be ive fuone ije Judasi Isikarioti ije fune e zinone ifaejevo ijiebuo e mamekanu ije kariva ijia vae.

Matiu 26:15

Fune va ijia kekena kiae, Ja vierafe na Jesu abe una ja miakuva ja irere abe na miekono kiae? Judasi fu ijiege kuariamoga bune urina moni sunine teti (30) ijiege karana vajae. Areme fune ve ijia urina vame izege fu Jesu abe miaga bu kanadufuo ije rerenoe.

Matiu 26:47

Jesu fu uria manina vua kuariamo ijia e vua fuone fiemo be e Judasino kuavo ije fune ijia kekei. E ije fune e azo kenoejo ijiakina e zinone ifaejevo ijiebuo e mamekanu ijiakiro e Jiusibuo e mamekanu bu uniaejaeva ijena ijia keke. E boeje bune uri simekina magu ije kena ijia usiae.

Matiu 27:3

Bu Jesu mesiri vakoga Judasi e ije fu Jesu abena e ani miaema ije fu gake bune Jesu dabe kana fu baronekuvenoga fu ve ijia oe dakudei. Areme fu moni sunine teti (30) fu kema ijene kena una va e zinone ifaejevo ijiebuo e mamekanu ijiakina e Jiusi ijiebuo e mamekanu ije kariva ije vajiakiro vae.

Maki 14:10

Areme e tuero (12) Jesudo vua fievo be e Judasi Isikariotino kuavo ije fu Jesu mesiri e ani miakiro vierafe. Ijadufuo fune e zinone ifaejevo ijiebuo e mamekanu bu sidove Jerusareme kariva ijia vae.

Maki 14:43

Jesu fu uria manina vua kuariamo ijia e Judasi fune ijia kekei. Fu e azo kenoejo ije ro e zinone ifaejevo ijiebuo e mamekanu ijiakina e Jiusibuo e mamekanu ije bu uniaejaeva ijena simekiro magu ije kena ijia ruae.

Ruki 22:3

Areme Setani fu e Jesudo vua fiemo be e Judiasi Isikariotino kuavo ijadufuo oe ijia arimoga fuka oe ise vierafei

Ruki 22:47

Jesu fu uria manina e vua fuone fievo ije vua kuariamo ijia e Judasi fune e azokenoejo ijiakiro e uruvana gue kaenamiana ruoma ijia kekena uri Jesu dabe uimi.

Joni 6:64

Rove e gure gue na giaga vua ije jaka abe ma vierafevo bakino kiae. Ro Jesu vua ije fu ijiege kuaema ije fu eranebe bu naebe fu ma vierafedufuo ije fune giae. Ro kuke fu erare fu abena una e ise revo ije miadufuo ije fune vierafema ijadufuo fu ijiege kuariae.

Joni 6:71

Ro ije fu kiaema ije fu Judasi e Saemoni Isikariotido fari ijadufuo kuae. E ije fu e vua fuone fiemo be rove fu maza rade Jesu abe una e ise renoevo ije miake ijadufuo fu ijiege kuae.

Ekisi 1:13

Bune va Jerusareme usiaena gire be bu karijo ijia ajia vae. Ro e ijia vaeva ije Fitakina Jonikina Jemisi ro Edurukiro Firifi ro Tomasi ijene. Ro kuke e Batoromiukiro Matiu ro e Afiasedo fari Jemisi. Ro Saemoni e ije e mamekanu ijena madinamimo ijiakiro Jemisido fari e Judasi ijiebe ijia vae.