Matiu 10:2 - Godido Vua Maeje

^2-3 Ro e vua fuone abe oenoevo tuero ive buone ije ijiege. Amure ije fu Saemoni e ije bu kua Fitano kuavo ijiakiro uviafuo e Aduru ijene kei. Areme fu e Zebedido anafa inokiro ino uviaki e Jemisikiro Joni ro e Firifikiro Batoromiu ije kei. Ro e Tomasikiro Matiu e ije takesi abeno ijiakiro e Arefiasedo fari Jemisikiro e Tadiasi ije kei.

Matiu 10:2 ပူးပေါင်းရင်းမြစ်များ

Matiu 17:1

Areme maza sigisi ijiege furikoga Jesu fune uri Fitakiro ino uviaki e Jemisikiro Joni ijene kaenamiana uruo ka ireobo be ijia ajia vae.

Matiu 20:20

Areme rade e Zebedido bara ijare farirafa fuone ijena Jesu fino ijia vae. Bara ije fu ire be vierafema ijadufuo fu va Jesu manino niome ijia augesana uri ire befuo kuarae.

Matiu 26:37

Areme fune urina e inokubeke Fitakina e Zebedido anafa inokiro e Jemisikiro Joni ijene kaenamiana fuina vae. Ro Jesu fuka urukeigia oefiae ro kuke fuka ma urukeigia oeserei.

Matiu 4:18

Areme maza be Jesu fu do Gareri daturako nafuema irifo ijia oenoene. Fu oenoeno ijia fu e kimae savo inokiro ino iviegi e Saemoni e ije bu kuke kua Fitano kuavo ijiakiro uvia fuone e Aduru ije biediae. Ro e inokiro ije bu ugie buone ije kena kijume okurianoeve.

Matiu 4:21

Jesu fune kaenamiana vakuma una kuke ino iviegi e Jemisikiro Joni e Zebedido anafa ije giae. E inokiro ije bu asoe buone Zebedina vanage ijia karina ugie buone ije amaeriave.

Maki 1:29

Areme Jesu fune e Jiusi ijiebuo are bu afuina vua kuaevo ije arena fune e Jemisikiro Joni kaenamiana bune e Saemonikiro Aduru ijiebuo are ijia vae.

Maki 13:3

Jesu fu ijiege kuaria areme fune va gara uruo be bu kua Orivino kuavo ijia fikoga Fitakiro Jemisikina Joni ro Aduru bu mauikeigia fu fino ijia ruae.

Maki 6:30

Areme rade e Afasero ije Jesu kiamo bu usiae vaeva ije bune una ro Jesu fino usiae. Bu usiaena vua boeje izege bu va e nijasiakinu e iseki karauniaeva ijene Jesu kuarae.

Ruki 11:49

Ja ijiege revo ijadufuo Godi fune fuone izege fu mukoe vierafemo ijia fu isuibe ijiege kuae, Na e vua none vierafena kuaevo ijiakiro e vua none abe oenoejo ije bino ke uniaga bu vuake. Bu vuaga e gue bu kaniaga gue bu kame isekafiake.

Ruki 22:14

Areme maza ije fune abenoga Jesu fu e tuero vua fuone fievo ijena va are guove ijia aru fata irifo ijia kari ufuaenoe.

Ruki 22:8

Ijadufuo Jesu fu uri Fitakiro Joni kiae, Ni va iro no maza Fasova ijia idufuo ije kanafuino kiae. Ro bu una kuae, Ro no va are izia ire ije kanafuikono kuae?

Ruki 9:10

Areme e Afasero ije bune una usiaena ire boeje bu renoeva ijene Jesu kuarae. Bu kuaravoga fune kaenamiana buosukua are Besaeda ijia vae.

Joni 12:22

Bu ijiege kuavoga Firifi fune va Eduru kuana bune buosiki vakuma Jesu fino ijia usiaena vua ijene kuarae.

Joni 13:23

Ro e vua fuone fiemo be fu mukoe oetuamo ije fu Jesu ivuake ijia fine.

Joni 20:2

Ijadufuo fune una difurina vakuma Saemoni Fitakiro e Jesudo vua fiemo be fu oetuamo bu kariva ijia kekei. Areme fu kiae, E Ireobo nuvuone ijadufuo suri gafe bu nujaeva ije no vaga fu baki. Ijadufuo bute dabe izege nijaeva noka naebe vierafevano kiae.

Joni 21:2

E Saemoni Fitakiro Tomasi Didimasi ijiakina e Natanero are Keina Gareri guove ijeko ijiakina e Zebedido anafa inokiro ijiakiro e vua fuone fievo inokiro ije bu besu kari.

Joni 21:20

Areme Saemoni Fita fu dakude gake e Jesudo vua fiemo be fu oetuamo ije fu rade nuve romoga fu gae. (Ro e ije fu ude bu Jesuna muge radekuma ijia ire ivo fu tuana Jesudo bijuakinu kuae, E Ireobo e ije erare a abena una e ani ije miakuveno kuaema ijare?)

Joni 21:24

E Jesudo vua fiemo be ije fu kuaema ije fu noesina kuae. Nare ire boeje Jesu fu remo na giakinu fieva ijene buki igia isoe ijadufuo vua boeje buka ma.

Joni 6:67

Ijadufuo fu uri e vua fuone fievo tuero ije kiae, E gue bune na arena vae ro jadua ja vierafe jane na are vakuae vierafevano kiae?

Joni 6:70

Fita fu ijiege kuaramoga Jesu fu una kuae, E tuero gure na nare kono giana kei. Rove ije ja oenoevo ijia e be fu kavene iseno kiae.

Joni 6:71

Ro ije fu kiaema ije fu Judasi e Saemoni Isikariotido fari ijadufuo kuae. E ije fu e vua fuone fiemo be rove fu maza rade Jesu abe una e ise renoevo ije miake ijadufuo fu ijiege kuae.

Joni 6:8

Fu ijiege kuaramoga Aduru e Saemoni Fitado iviene fuone ije fu uri Jesu kuae, Na ame isekube fu burete isesina umui fague ro kijume inokiro ke romo na gae. Rove ije na vierafe fu izege e boeje bu iga fu deufiakuma bakino kuae.

Ekisi 1:13

Bune va Jerusareme usiaena gire be bu karijo ijia ajia vae. Ro e ijia vaeva ije Fitakina Jonikina Jemisi ro Edurukiro Firifi ro Tomasi ijene. Ro kuke e Batoromiukiro Matiu ro e Afiasedo fari Jemisi. Ro Saemoni e ije e mamekanu ijena madinamimo ijiakiro Jemisido fari e Judasi ijiebe ijia vae.

Ekisi 1:26

Areme bune ive buone isoema ke mavua ijia sana una karaeva ije bu Mataeasido ive ije kei. Ijadufuo bu fu abevoga fu una e Afasero ireveni (11) Jesudo vua abe oenoejo ijena mazie.

Ekisi 12:2

Ijadufuo fune e fuone azo kevo gue kiamo bu Jemisi e Jonido iviene ije kiamo bu sime dabe bijavo fu baronei.

Ekisi 3:1

Areme maza be ve garege vako e bu baname isoevo ijia Fitakiro Joni bu Godido Are ijia vae.

1 Koriniti 15:7

Areme rade fu una e Jemisi bie areme una kuke e Afasero fuone ije biediae.

Ifisiani 4:11

Ro fune e ijare korufuo daro fuone ije vekinu kena e binobino vajiamo. E gue fu daro miana kiaga bu Afasero rena vua fuone abe oenoevo. Ro e gue fu daro miana kiaga bu Godido vua vierafena una e kuariavo. Ro kuke e gue fu daro miana kiaga bu are binobino ijia oenoekinu Godido vua maeje e gue nijasiavo. Ro e gue fu daro miana kiaga bu e ije Godi ma vierafevo ijene samuagiakinu vua nijasiavo.

Iburu 3:1

Ijadufuo uviarafa none Godi ma vierafevo ije fune Godire besu naena kumedo no rade saove ijia fuina karivake. Ijadufuo ni Jesu e ije Godire kuamo fu vua fuone abe ruaema ije no kuae fu nuvuefuo e zinone ifaejamo igege remono kuaevo ije vierafefo.

1 Fita 1:1

Na Fita e ije Jesu Kuraesido Afasero rena vua fuone abe oenoevo ije nare fasi ige isoena e ije ja Godi fu iko zinume ijia vierafena ke uniaema ije nijiave. Ja are jone maeje fu saove ijia ro jame ume ijia e binokobuo aesakae Fonetasikina Geresiakina Kafadosiakina Esiakina Bitinia ijia karive.

2 Fita 1:1

Na Saemoni Fita e Afasero ije Jesu Kuraesido imevo ije nare fasi ige isoe. Na isoena e ije ja noena besu ma vierafevo ije nijiave. Ro nuvuone izege no ma vierafevo ije fuka irerebareki. Ma vierafevo ije fu Jesu Kuraesi Godi nuvuone e ka maturaema fu e karauniamo ijare abena mue.

2 Joni 1:1

Fasi ige e sosi samuamo ije nare isoena bara be na anafa fuone ijena oetuavo ije nijiave. Na nanaru ja oetuavo bakiro e bino Godi mukoe vierafevo ije budua bu ja oetuavo. Ijadufuo no vierafe Godido vua maeje fu oe nuvuone ijia namo ije fuka maza boeje noena navake.

3 Joni 1:1

Fasi ige e sosi samuamo ije nare isoena Geasi e Godi ma vierafemo na ireobo oetuavo ije nijave.

Revaresoni 1:1

Buki ige fu Godi ire ije fu iviama igiebo redufuo fu abena Jesu Kuraesi nijae. Ijadufuo fu abena e ije bu fu irinana fuefuo imejo ije nijasiaema ijene. Jesu fu anera fuone ije kuamoga fu arina Joni e ije fuefuo imeno ijene ire ije nijae.

Revaresoni 1:9

No Jesudo ive ijia agane besu reva ijadufuo e Joni naeje naka uvia jone. Ro noeje noka makae fuone ijia nuvevo ijadufuo no isejavaeve. Ro kuke noka kabuaekabuaeki karina mazani ije Kuraesi fu una ume ige samuadufuo no ije samuave. Naeje bu mesiriena do uije be Fatemosi kuavo ijia nujie. Ijadufuo maeje na Godido vua ijiakiro vua maeje Jesu Kuraesi fu nijasiema ije e nijasiavoga bu mesiriena ijia nujie.

Revaresoni 18:20

Sidove Bebironi fune iserena furima ijadufuo e boeje saove ijia kariva e Godido imevo ijiakiro Jesudo vua abe e kuariavo ije janika oemarefo. Sidove ije fu ja isema rema ijadufuo fune Godire una ve ijadufuo fu dabe mukoreigia isekafaemano kuae.

Revaresoni 22:8

Ro na Joni nare vua boeje adane none ijia fiekinu ni none ijia giakoga ire boeje bu rei. Na ire boeje giakinu fiema furi areme uri anera ije fu ire boeje nijasiemo ijadufuo nidua ijia augesana fuone baname isoekiro vierafe.