Matiu 1:1 - Godido Vua Maeje

¹ Suvuare ige ijeja izege Jesu Kuraesido asaerafa ije bu e Eburamedo ijia uinuvena ruoma e Devidido ijia usiaena ruoma Jesu bieteva ijene.

Matiu 1:1 ပူးပေါင်းရင်းမြစ်များ

Iko Zinume 12:3

Ro nare e ije erarebe bu a marejavo ijene daro miana samuagiakinu marejiake. Ro erarebe bu a kuravajana vafakuva ije nare una ve bu kuravajiana vafiake. Ro e boeje aesakae igia karinoeva ije na one duvado ijia bu marejiake.

Iko Zinume 2:4

Godi fu ijiege fina rekinu ire boeje ume igia ro saove gufia naovo gue no giavo ro giavo baki ije amaeriae. Maza ije Godi fu ire boeje amaeriaema ijia sakae ado ijia ifiri ro ire uije bino bu naebe ijia tavuae. Ijadufuo maeje Godi fu ve be fu naebe kuamo fu dae. Ro kuke fu erare ijia oenoekinu sakae rudufuo ije fuka baki.

Iko Zinume 22:18

Ro kuke aka na iriniema ijadufuo na uifari one ijiebuo duvado ijia nare e aesakae binobino ijia kariva ije marejiakono kuae.

Iko Zinume 5:1

Ro e ive ige isoeva ige ijeja e Adamudo uifari ije bu izege uinuvena ruaeva ijene. (Mazani ije Godi fu e amaeriaema ije fune fue ganamikinu ijia e fu vareki ijene amaeriae. Fu baru bara amaeriana uri daro miana ive buone fu kia Eno kuae.)

Matiu 1:18

Ijiege ro Jesu Kuraesi bu bieteva ije fu ijiege. Bara Meri asie fuone ije bu e Josofu manidufuo kuae. Ro fu uria kabaekua baruna naebe naema ijia fu fue ganami gake fu Kavene Akae ijadufuo daro ijia fu e fudiema fu ije gae.

Matiu 1:2

Ro e uije ije bu uinuvena ruaeva ije ijiege. E Eburame fu fari fuone e Aeseki bietemoga fu uri fari fuone e Jekafu bietei. Fu Jekafu bietemoga fu uri e Judakiro uviarafa fuone ije nafei.

Matiu 15:22

Bu ijia vakoga bara Keinanaetiko be are ijia fino ije fu kekena Jesu vijekinu ruae. Fu ruakinu kume, E Ireobo e Devidido uifari gafe, a na oefiadakuma ni ifejiene. Na kabae none fu kavene ise ijare dabe nirokoke funeka mukoreigia isejavaemono kumei.

Matiu 3:16

Areme Jesu fune do ije arena ajia ruomo ijia Godi fu saove ijadufuo viene daovekoga Kavene fuone fu ume tuvuaeki igege arina Jesudo nigofo ijia kunae.

Matiu 9:27

Areme Jesu fune gire ije arena una gire be ijia vakoga e nikuzeki inokiro bu usiae fu nuvena vae. E inokiro bu nuve vakinu kumei, E Devidido uifari gafe, a no guoga oefiadakuma ni ifejuono kumei.

Ruki 1:33

Areme fure kini ma ireobo rena e Jekafudo uifari ije samuagiake. Ro ire boeje fu samuagiamo ije bube bakirekiro buka maza boeje ijia nao vakono kuae.

Joni 7:42

Ro Godido buki akae ije bu isuibe isoeva ijia fu kuae, E Ije Godi fu kua fu ruadufuo ije fu e Devidido uifari ijia ruakono kuae. Ro kuke E Ije bu are Betirieme e Devidi fu fino ijia bietekono kuae.

Ekisi 2:30

Ro maza ije fu uria fima ije fuje fu e be Godido vua vierafena kuaemo. Ijadufuo Devidi fune izege Godi fu rade ire be fuone rekiro kuaema ije fune vierafei. Ro vua ije Godi fu ijiege kuae, Na asae one ijia e be abega fure uri izege a kini rema ijiege kini rena e boege samuagiakono kuae.

Romeni 1:3

Ro vua maeje fu kuaruema ije fu Fari fuone ijadufuo kuarue. Fari fuone e Jesu Kuraesi fu E Ireobo nuvuone ro fuje bu ma ema ijiebe ume igia biete ro kuke fu Kini Devidido agane ijia uinuve ruae. Ro fu baronemoga Godire Kavene Akae ijadufuo duvado ijia kuamo fu una urimoga none gae. Ijadufuo no ma vierafega fuje fu ma Godido Fari ka e daroki ijene.

Romeni 4:13

Godi fu isuibe e Eburamekiro uifari fuone bu rade ruakuvejo ijiebuo fu kuaraema ije fu ijiege kuarae, Na ire boeje aesakae igia naovo ije na kena ja vajiakono kuae. Ro e Eburame fu Godido akae ije mukoreigia iriniaema ijadufuo Godi fu aesakae ige foteke abena uifari fuone ijena bu miaema baki. Ro fune Eburamere Godido vua ije ma vierafema ijadufuo fu Godido nidua ijia fuka maturaemoga Godi fu aesakae foteke ige abe bu miae.

Romeni 9:5

E Jiusi ije buka e anuigi Eburamekina Aeseki ro Jekafu ijiebuo agane ijia uinuvena ruae. Ro kuke Jesu Kuraesi e ije Godi kuamo fu ari ruaema ije fu agane besu ijia uinivena ruae. E Jesu Kuraesi fudua fu Godi ro fure ire boeje samuagiamo. Ijadufuo na vierafe noka maza boeje Jesu Kuraesi dabe aroedufuo. Marei.

Garesiani 3:16

Ijiege ro vua irere ige iviama na kuariakuvejo ije fuka besu ijieki. Godi vua ije fu e Eburamekiro uifari fuone kuariaema fu e boeje ijiebuo kuariaema baki. Ro fume Jesu Kuraesido uifari ijadufuo kuae.

1 Timoti 2:5

Ro vua fuone maeje ijeja Godi fune besu ijiaru. Ro Jesu Kuraesi ije fu Godi gue re ro ema gue reva ririkua ijia manino. Ro fuje fu ema ro fuka korufuo abena miamoga bu abena kurosi kanavo fu baronena e boeje no karaunue. Ijadufuo no ijia gana vierafega Godi fune maza ma ijia e boeje no karaunue.

2 Timoti 2:8

Ro igia fie, Godido vua maeje na abena e boeje kuariavo ije na kia, Jesu Kuraesi fu e Devidido uifari fu baronena una urimano kiave.

Revaresoni 22:16

Na Jesu nare anera none ije kuavoga fu vua ije abena sosi ijia kuariakiro vuae. Ro naeje na e Devidido uifari na agane fuone ijia uinuvena ruae. Naeje na ire zuvi ije mukoreigia sanamo ije fu ve irasekiro ajiamo ijene.