Maki 9:2 - Godido Vua Maeje

² Areme maza sigisi ijiege furinoga Jesu fune Fitakina Jemisi ro Joni ijene kaenamiana bune buosukua uruo kabo ijia ajiana vae. Bu va ijia usiae irena gakoga Jesudo vajae ije fune saroruba una nibe rei.

Maki 9:2 ပူးပေါင်းရင်းမြစ်များ

Una Kaenamiae 24:13

Ijadufuo Mosisi fune urina Josua e ije fu ifejamo ije kuana bune uruo ijia ajia vakuae Mosisi fune uri e mamekanu ije ijiege kuariae. Fu kia, Janika igia karike no vaekina una ruafo. Ro e eranebe bu irufui bino biediakuva ije Eronikiro Eri bu jaena iji kariva ijadufuo nine buone vaga bure ifejiana dasumiano kiae.

Matiu 14:13

Ijadufuo Jesu fu Jonido vua ije fiena fune uri vanage abena are etura ijia vae. Fu vakoga e boeje bune vua ije fiena uri are buone ije arena bune gue diake are fu vakiro vako ijia vae.

Maki 14:33

Fu ijiege kuariana fune uri e inokubeke Fitakiro Jemisi ro Joni ije kaenamiana vae. Ro fuka urukeigia oefiae ro kuke oeserei.

Maki 16:12

Areme rade Jesudo nikubae fu una ni be rena e inokiro bu ae be vakuae vame ijia vako fu ije biediana buina vua kuaekinu vae.

Maki 5:37

Areme Jesu fune uri Fitakina Jemisikina Joni e Jemisido uvia ije kaenamiana fuina vagaro e gue fu kiamo bu ijare.

Ruki 6:12

Areme ve ijia Jesu fu una uruo ijia ajiana baname isoekiro vae. Fune va uruo ijia kekena muge fu Godi baname isoeko vakuma ve irase.

Joni 1:14

Areme Vua Ije fune una ema rena maza aokube noena besu ume igia oenoe. Jesu fu Asoe fuone kave gufe fino ijadufuo Fari besu ijene. Ro kuke fuone sanaema ije Asoefuo fu abe maema ije none gae. Jesu fuje fu vame maeje ijene ro kuke fuka e boeje ifejiakinu ka marejianoeno.

Romeni 12:2

Ro jade uri e ume igeko Godi naebe ma vierafevo bu kenoevo ijiege kenoevo. Ro ni arega Godi fu oe jone ije kena una mukoreigia amaeriajiaga ja irere fu vierafemo ijiaru renoedufuo. Ro kuke ja una vame mukore ro ire ije Godi fu oemaedufuo ijiaru vierafenoekinu kenoeke.

2 Koriniti 13:1

Ro erafano ude na maza inokiro giana vae ro iviama ige na una kuke giakiro ruove. Ro ige na una ruovo ijia e Godi ma vierafemo be fu ro kai fuone be Godi ma vierafemo ijadufuo vua be kuariekuma ije na Godido vua ije bu izege buki ijia isoeva na ijiege reke. Ro vua ije bu isoeva ije fu ijiege kuae, Bu e inokiro ro e inokubeke ijiege e befuo vua ije izege fu isema rema ijene ro na kuariekuva na e ije dabe isekafake.

Firifiani 3:21

Fu vajae suri nuvuone ige ka garuki ije no iviama kena kariva ije kena una ni be amaeraduoke. Fu ijiege amaeraduoga noka una Jesudo vajae sanaema ije fu iviama abena saove ijia fino ijieki ije kedufuo. Ro vame ije fu redufuo ije fu daro fuone ka ma ireobo ije fu ire boeje samuagiamo ijare abena reke.

Revaresoni 20:11

Areme na fata abaeki be e ijia ajia fino ije gae. Ro Godido nidua ijia aesakae ijiakiro saove bune bakirena vakoga na naebe una giae.