Maki 5:41 - Godido Vua Maeje

⁴¹ Bune ijia aruna irekoga Jesu fu ame ije umui kena isama fuone ijia kuae, Tarita kumino kuae. (Ro vua ijadufuo maeje, Bara iseke ige na kuavo ni una urine.)

Maki 5:41 ပူးပေါင်းရင်းမြစ်များ

Iko Zinume 1:3

Areme Godi fune maza ije kuamoga fu are ije titutema ijia sanamoga fu ijene gamo fuka oemae. Ijiege rena fune uri titutema ijene abe atasena sanaema ije fu abe gue nijaga titutema fu abe gue nijae. Ijadufuo fu uri sanaema ije fu kua, Mazareno kuae. Ro titutema ije fu kua, Mugeno kuae. Ro ire ije fu mazani amure ijia amaeria furikoga ve ijia titutei.

Maki 1:31

Ijadufuo Jesu fune va bara ije namo ijia kekena umui kenoga adame fuone fu fete urimo ije funeka ijia bakirei. Adame fuone fune bakiremoga bara ije fu urina bu samuagiakinu ire vajiae.

Maki 1:41

Fu ijiege kuaramoga Jesu fu ije fiemo fuka ireobo oefiae ijadufuo fu umui fuone akoena e mataegi ije niriae. Fu niriaena kuae, Eko na vierafe na a amaeradakono kuae.

Maki 5:40

Fu ijiege kiamoga e ije bu uri fu dabe varaemena kisae. Rove Jesu fu urina e boeje kuriaeremo bu usiae makave ijia vae. Areme fune ame ijadufuo orafa ijiakiro e vua fuone fievo inokubeke ije kaenamiana ame iseke fu namo ijia aru vae.

Maki 5:42

Fu ijiege kuamoga bara iseke ije fu urina are guove ijia oenoe. Ro bara iseke ije juaevasia fuone fu tuero (12) ijiege. Jesu fu bara iseke ije kenujamoga e uruvana bu gavo buka ireobo oeseradiae.

Romeni 4:17

Ijadufuo maeje fune Godire isuibe e Eburamedo ijiege kuae, Aeje nane umui datevado are e boeje bu are irore igia karivo ijiebuo asoe rekono kuae. Ijadufuo Godido nidua ijia e Eburame fuje fune ma asoe nuvuone ijadufuo maeje fuka Godi ma vierafei. (Ro Godi ije fuka ma e daroki ro fure e ije oevo ije kiaga bu una urivo. Ro kuke ire boeje no giavo baki ije fure amaeriamo).

Firifiani 3:21

Fu vajae suri nuvuone ige ka garuki ije no iviama kena kariva ije kena una ni be amaeraduoke. Fu ijiege amaeraduoga noka una Jesudo vajae sanaema ije fu iviama abena saove ijia fino ijieki ije kedufuo. Ro vame ije fu redufuo ije fu daro fuone ka ma ireobo ije fu ire boeje samuagiamo ijare abena reke.