Maki 5:34 - Godido Vua Maeje

³⁴ Fu ijiege kuaramoga Jesu fu una kuae, Kabaeno, one a ma vierafemo ijare adame one ije fune kenujae. Ijadufuo nine oe dasuna va mukoreigia finoeno kuae.

Maki 5:34 ပူးပေါင်းရင်းမြစ်များ

Matiu 9:2

Fu ijia vakoga e gue bu e vajae garema ije dabe fata ijia nujana abe fuone ruae. Bu rovoga Jesu fu uri izege e ije bu fu ma vierafeva ije giae. Ijadufuo fu uri e ije kuae, Farino a mamoemo ije arekiro giriesane. Ise one ije nane gana arevano kuae.

Matiu 9:22

Bara ije fu ijiege remoga Jesu fune fiena una dakude kuae, Kabaeno gufe ibe jumekiro nika giriesane. One a ma vierafema ijare adame one ije fune mukoe furimano kuae. Fu ijiege kuarako saroruba bara ije fune ijia una mae.

Maki 10:52

Ijadufuo Jesu fu una kuae, Eko one a ma vierafema ijare a kenujaemano ni oemarekinu vano kuae. Fu ijiege kuamoga saroruba e ijadufuo ni ije fune una nafaemoga fu uri Jesu nuvena vae.

Maki 3:10

Ijadufuo maeje fune ude e uruvana karauniaema ijadufuo e gue visinamiaeva ije buka fu faregakuae vierafei.

Maki 5:29

Fu ugone fuone ijia niriaemoga kane fu kena oenoeno ije funeka saroruba bakirei. Areme bara ije fu korufuo fieke adame fuone ije fune furino fu fie.

Maki 5:33

Ro bara ije fu vierafega fune fure Jesudo ugone ije niriae. Ijadufuo fuka ireobo jumekinu va Jesu augesana irere fu rema boeje furana kuarae.

Ruki 17:19

Areme Jesu fu una e ije ruaema ije kuae, Eko a ma vierafema ijadufuo fune madaemano ni urina vano kuae.

Ruki 18:42

Fu ijiege kuamoga Jesu fu una e ni kuzeki ije kuae, Eko one a ma vierafema ijare fune a kenujaemano ni ni nafaeno kuae. Areme ve ijia e ije fune una ni nafaena rerekinu uri Godido oemarei. Fu ijiege re areme fune uri Jesu nuve vakoga e boeje bu ije gana budua una Godido oemarei.

Ruki 7:50

Ro Jesu fu una bara ije kuae, One a ma vierafemo ijare a kenujae. Ijadufuo nime oemarekinu dazena vakiro ade una ije ireobo vierafemono kuae.

Ruki 8:48

Ijadufuo Jesu fu una bara ije kuae, Kabaeno one a ma vierafemo ijare adame one ije fune mukoe furi. Ijadufuo nine va maza boeje oemarekinu oenoeno kuae.

Ekisi 14:9

E ije fuka mukoreigia fina Forudo vua ije fiemoga Foru fu ije gae. Fu gake e ije fuka vua fuone ije ma vierafemaga fu kenujakiro vierafei. Ijadufuo fu uri e ije verima areme urukeigia kuae, Eko urina koro arire manino kuae. Foru fu ijiege kuamoga e ije fuka uri furiko ajiakinu korufuo ijia oenoe.

Ekisi 15:33

Bu ijiege rekinu karinoena areme e sosi ijia kariva ije bune uri Judasikiro Saerasi anadiae. Areme kiae, Ni Godido kafaemo ijiakuma una vano kiana bune uniavoga bu una e mamekanu buone kariva ijia vae.

Ekisi 16:36

Ijadufuo e dibure samuamo ije fu una Foru kuae, E mamekanu koto fievo ije bu kume ni usiae vano kume ijadufuo ni oemarekinu vano kiae.