Maki 5:14 - Godido Vua Maeje

¹⁴ Bu ijiege revoga e mave samuagiavo bu ije giana usiae subinae e ije bu juare mena samua karijo ijiakina e boeje sidove guove ijia kariva ijene vua ije dabe kuaria vae. Ijadufuo e ije bu vua ije fiena usiae Jesu ire ije fu rema ije gakuae ruae.

Maki 5:14 ပူးပေါင်းရင်းမြစ်များ

Matiu 7:6

Ro kuke jade Godido vua akae ije abe va e ije bu vua maeje fiekuae ijuonevo ijene kuariavo. E ije bu ire moni ige bu kena mave ije vajiavo igeki. Mave ije bu ire moni ije kena irere abedufuo ije bu vierafeva bakido bu kame utautake. Ijiege ro ja naebe mukoe giakinu vua none maeje abe va e ije bu naebe oemarekinu fiekuae vierafeva ije kuariakuva buka ijuoneke. Buka adane bijuna una vua jone bu ke kuderiana una buone vierafeva ijia kuariakinu kame kaniana arafiriakono kiae.

Matiu 8:33

Mave ije bu ijiege revoga e mave samuagiavo bu ire ije rema ije gana bune subinaena una sidove ireobo ijia vae. Bu va gafia usiaena ire ije rema ijene e boeje kuariae. Bu mave ije bu reva ije kuaria areme kuke uri e inokiro ije bu kavene ise ijiebe bu kame nirokiavo ije izege bu reva ije kuariae. Ijadufuo e boeje sidove guove ijia kariva ije bune uri Jesu biekuae usiaena vae. Bu va Jesu biena uri soesoena kuavoga fu sidove ije arena una are be ijia vae.

Maki 5:13

Bu ijiege kuavoga fu kiae, Ni ijiege reno kiamoga kavene ise ije bune e ije arena usiae mave ijiebuo oe ijia ari. Ro mave buka ma uruvana tu tauseni (2000) ijiege. Ijadufuo bu usiae subinaena uruo igegameki ijia arina do urana oe.

Maki 5:15

Bu usiaena e ije fu kavene ise ijiebe dabe nironoevo ije gae. Bu gake e ije fune ire ije fu renoeno ije fune arena una e ma rena ugone fuone sama fino bu gana ireobo jumei.

Ruki 8:34

Bu ijiege revoga e mave samuagiavo ije bu ire ije rema ijene giae. Areme bune usiae difurisaena sidove buone ijia e mamekanu ijiakiro e juare mevo ije kuariajana vae.