Maki 4:12 - Godido Vua Maeje

¹² Na ijiege mena kuariaekina vua irere e Asaea fu kuaema ije fuka ijiakuma riareke. Ro vua ije fu kuaema ije bu ijiege isoe, E buka vua ijadufuo maeje fiekuae kukuma rereke rove buka gakuva baki. Ro kuke buka vua ije kukuma fieke rove bube mukoreigia vierafedufuo. Ro bu vua ije mukoreigia fie vierafevobitie bu ise buone ijia oe kuderiaga Godi fu ise buone giana arekono kuae.

Maki 4:12 ပူးပေါင်းရင်းမြစ်များ

Maki 8:18

Ja e nioki ijadufuo jabe giakuae vierafe? Ro kuke jaka adaki ijadufuo jabe fiekuae vierafe? Ja ude ire burete umui fague ije na ke tuasena e faeve tauseni (5000) vajiaeva ije jabe vierafei? Ro kuke ja tere izege ire nugune ije utiseva ije jabe vierafevano kiae? Fu ijiege kuariamoga bu una kuae, No tere tuero ijiege utisevano kuae.

Ruki 8:10

Bu kuaravoga fu una kiae, Godido vierafe sauiki ije izege fu e karauniaga bu una e fuone ijena mazievo ije fune abena ja samadirejiae. Ro una e ije gue bu Godi ijuonevo ije na ijiege ke mena kuariaekina bu fiena uri rereke rove bube giake. Ro kuke bune fieke rove vua ijadufuo asune bube mukoreigia vierafekono kiae.

Ekisi 3:19

Ijadufuo vame ise jone ja renoejo ije nika arena una Godido roga fure ise jone ije fi korejiafo.

2 Timoti 2:25

Ro e gue eranebe bu vua fuone naebe fievo ije fuka sone oe vafaena kuariadufuo. Ro fuka ma vierafega Godi fu oe buone kame kuderiaga bu una vame maeje vierafedufuo.

Iburu 6:6

Rove buka una Kuraesi ma ijuemana vaeva ije bu izege una oe kuderia roga Godi fu ise buone giana arekuma baki. Ijadufuo maeje e ije buka izege bu maza ije e Jiusi bu Kuraesi Godido Fari ije dabe e nidua ijia kurosi kanavo fu jaevekiro bu reva bu una kuke ijiege reve.