Maki 3:5 - Godido Vua Maeje

⁵ Ijadufuo Jesu fu uri e ije giamo fuka defarui. Ro kuke fu giaga oe buone ije buka gikikimana ijadufuo fuka ireobo oefiae. Areme fu urina e ije umui abe kiraema ije kuamo fu umui akoemo umui fuone fune una marei.

Maki 3:5 ပူးပေါင်းရင်းမြစ်များ

Neamaea 13:8

Na vua ije fievo naka naebe oemarei ijadufuo na Godido Are ijia aruna e Tobiado sinuome boeje fu guove ijia naema ijene karina makave ijia korei.

Matiu 12:13

Jesu fu ijiege kuaria areme una dakude e ije umui abe kiraema ije kuae, Eko umui one ije akoeno kuae. Ijadufuo e ije fune umui fuone ije akoemogana funeka una umui fuone maeje be ijieki rei.

Maki 3:4

Areme Jesu fune una e ijia karivo ije kiae, Ja vierafe maza akae ije no mauike karijo ijia e ijieki ije no kena izege reke? Nobe bu marejia ke no ise bino buone reke? Ro kuke ja vierafe nobe kania ke no bu karauniakono kiae? Fu ijiege kuariamoga e ije bu naebe una vua bino kuarae ro bume mauikeigia karina fie.

Ruki 13:15

Fu ijiege kuariamoga Jesu fu una kuae, E gure iti kufuiki gurie, vua ije ja kuaevo ije jaka ijiege renoeno baki. E gue ja maza ije ja mauike karivo ijia jaka osekiro doniki jone ja kiriaeva ije irana kaenamiana va do vajiaga bu ivo.

Ruki 17:14

Bu ijiege kumevoga Jesu fu giana uri kiae, Ni una va e zinone ifaejevo ije vajae jone kena bu nijasiano kumei. Ijadufuo e ije bune una vakuae vako ijia vajae tatie bu abeva ije bune bakirei.

Ruki 6:10

Areme Jesu fune uri e boeje gianoena areme e ije kuae, Eko ni umui one akoeno kuae. Ijadufuo e ije fune urina ijiege remoga umui fuone funeka una mukoreigia mae.

Romeni 11:25

Erafano na vierafe ja vua maeje sauki ige na kuariakuvejo ije mukoreigia fiedufuo. Na ijiege kuariakina jabe aroekarakinu vierafero jaeje jaka e ma ro e Jiusi ije bu e isero ja ijiege vierafedufuo. E Isureroko uruvana buka oe kuderiana una ire ise binobino renoekinu Godi ijuoneke. Bu ijiege uria ise renoeke e Jiusi baki ije Godi fu umui tuaema ije bu una Godido ruoma buneka e uruvana rega fu sone ijare rade e Isureroko ije karauniake. Ro Godido buki akae bu isuibe isoeva ijia vua be fu ijiege kuae, E ije fu ro e boeje karauniadufuo ije Godi fu e fuone Isureroko ijia be kuaga fu ruake. Ro fure e Jekafudo uifari boeje bu vame ise kenoevo ije karauniana kaenamia una Godido vame maeje ijia uniakono kuae.

2 Koriniti 3:14

Ro Mosisi fu nikubae fuone ijiaru okuraema baki. Ro Godi fu kuke e Isureroko ijiebuo vierafevo ije fuka ijiege bijukuriae. Fu ijiege bijukuriako bu karina ruaeva ijadufuo iviama bu buki akae isuiko ije davone vua ijadufuo maeje fu samadiremo baki. Ro iviama e Jiusi erarebe bu oe kuderiana una Kuraesi ma vierafevo ije Godi fu ire ije fu vierafe buone bijukuriamo ije kena vake.

Ifisiani 4:18

Ro e ijieki ije bu vame ma karivako ije Godi fu abena e fuone miamo bu ijia kafare bino kekuva baki. Ijadufuo maeje e ijieki ije buka Godido vua ije fiekuae adagirevo ijadufuo bu ire ma bino vierafevo baki.

Ifisiani 4:26

Ro ja oenoene kairafa jone guena ire binofuo zienamikuva jade ziena oenoeke fu ve titutemo. Ro nika migegire una kairafa jone ijena vua kuaena oemarekinu umui runamifo. Ro jade mamoena arega ziene jone fuka ireobo rega ja ise revo.

Ifisiani 4:30

Ro jade oenoeno uri vua ise bino kuaena Godido Kavene Akae ije oefiane mavo. Ijadufuo maeje Kavene Akae ije fu oe jone ijia fino. Ro kuke fu Kavene Akae ijare nuga igege jaena namo ijadufuo vakuma rade maza abekuma Godi fu ja karauniake.

Iburu 3:10

Ijadufuo naka defarudiemo na kia, Buje oe buone ije buka maza boeje vame ise ije kenoe. Ro bu vua na kuariavo ije fiena iriniavo baki.

Iburu 3:17

Ro Godi e ije fu erane juaevasia foti ijiege ziegafiae? Fu e ije bu ise rena ae sao ijia oena furiva ijene kuariae.

Iburu 5:9

Fu ijiege isejavaema ijia fuje fune manido fu e ije bu fu irinavo ije karauniaga bu ma karivake.

Revaresoni 6:16

Bu ijia sauikinu uruo ijiakiro mune mamekanu ije kumevo, Migegire tuana no okuruofo. No e ije fata ijia fino ijadufuo niome ije gaga fuka judumuome. Ro kuke no Mave-Sifi Ame ije fu no isekafuokiro ziemo ije gaga fuka ma gikikimana ijadufuo migegire tuana no okuruone.