Maki 2:8 - Godido Vua Maeje

⁸ E ije bu ijiege kuaevoga Jesu fune giae. Ijadufuo fu urina kiae, Ja irerefuo karina vua binobino ijiege kuaekuae vierafe?

Maki 2:8 ပူးပေါင်းရင်းမြစ်များ

Matiu 12:15

Bu ijiege renoejoga Jesu fune giana uri are ije arena una are be vae. Fu vakogana e ka uruvana bu fu nuvena dabe arafiri vakoga fu adame buone boeje binobino ije amaeriamo bu una madiae.

Matiu 16:7

Jesu fu ijiege kuariamoga bu vierafero fubite burete bu naebe ke vuaeva ijadufuo kuaemoro bume mauike karina una bue kuae.

Matiu 9:4

Bu ijiege mauike karina bue kuaevoga fune giana uri kiae, Ja irerefuo oe ise ijiege vierafena karina kuaeve?

Maki 2:7

E gare fu irerefuo vua ijiege kuaeme? E be fu erare ume igia e guebuo ise ije giana arekuma baki ro fune Godire fuosukua.

Maki 2:9

Igia fie, ja vierafe vua inokiro ige izare fu samadukuado na e vajae garema gure kuake? Nabe kuako, eko ise one ije nane gana arevano ni urina vano kuake ke na kuako nine suve one ije ke datena vano kuakono kiae?

Maki 7:21

Ijadufuo maeje e ije fuka ire ise binobino oe fuone ijia vierafemo. Ijadufuo fune ire ise ije fu oe fuone guove ijia vierafemo ijare urimone fune va ire ise binobino reme. Fu ire ise ije barubara oenoejo ijiakina e kaniavo ro ebuo bara turavo ijene reme. Ro kuke fu sinuome uruvana kekiro vierafekinu kairafa gue oe ise vierafekinu ro vua kufuimekinu naebe jaevekinu ire ise renoeno. Ro kuke fu e guebuo sinuome kekiro vierafekinu e guebuo vua ise kuaekinu ro aroekaranoekinu vame ise e naebe oemadiavo ije renoemo. Ijadufuo fu ire ise ijieki ijiebe oe fuone ijia usiaekoke e ije fu va ise renoeno kiae.

Ruki 24:38

Ro Jesu fu una kiae, Ja irerefuo uri jumekinu oe binobino vierafeve?

Ruki 5:22

Bu ijiege kuaevoga Jesu fune izege bu vierafeva ije fune giae. Ijadufuo fu urina kiae, Ja irerefuo ja duna ijieki ije kuaekuae oe jone ijia vierafei.

Ruki 6:8

Rove Jesu fu irere bu vierafeva ije fune giae. Ijadufuo fu urina e ije umui abe kiraema ije kuae, Urina e boeje ijiebuo niome igia manino kuamoga fu urina ijia mani.

Joni 21:17

Areme Jesu fu una maza radekuma ije kuae, Saemoni Fita e Jonido fari gure abe na mukoe oetuamo ke a bakino kuae? Jesu fu ijiege kuaramoga Fita fu vua ije fiemo fuka oefiae. Ijadufuo maeje Jesu fu maza inokubeke kuae, Abe na oetuaemano kuaema ijadufuo fu oefiae. Ijadufuo Fita fu una kuae, E Ireobo none a ire boeje ane giana vierafemo. Ijadufuo a izege na a oetuavo ije ane samadukua giena vierafemano kuae. Saemoni Fita fu ijiege kuamoga Jesu fu una kuae, Mave-sifi none ije mukore igia samuagiajiene.

Joni 6:64

Rove e gure gue na giaga vua ije jaka abe ma vierafevo bakino kiae. Ro Jesu vua ije fu ijiege kuaema ije fu eranebe bu naebe fu ma vierafedufuo ije fune giae. Ro kuke fu erare fu abena una e ise revo ije miadufuo ije fune vierafema ijadufuo fu ijiege kuariae.

Ekisi 5:3

Ananaeasi fu moni ije kena vajiamoga Fita fu urina kuae, E Ananaeasi a Setanire nirokamoga a Godido Kavene ije biesiri areme moni gue a una one kei. Areme a una ro vua kufui ije no kuaruona kuo, Na sakae ijadufuo moni ije nane foteke abe ja miaevano kue.

Ekisi 8:22

Ijadufuo vierafe one ka ise ije a Godido Kavene ije monido fuaevekiro vierafemo ije nika arekiro Godi kuaga fu ise one ije gana arene.

Iburu 4:13

Ro ire boeje fune Godire amaeriae ijadufuo ire be fu Godido nidua ijia sauina namo baki. Ro ire boeje buneka Godido nidua ijia samadukua naovo. Ro kuke ire boeje no ume igia renoeva ije no Godi besu ijadufuo nidua ijia irena vame nuvuone ma ro ise no renoeva ijene kuaraga fu fieke.

Revaresoni 2:23

Ro nare e ije bu fu irinana nuvenoejo ije kaniaga bu oedufuo. Na kania bu oega e sosi boeje bu ijia gia areme vierafero e boeje ijiebuo oe ije bu vierafevo ije nare nosukua giavoro bu ijiege vierafeke. Ro nare e besubesu vame izege ja kenoevo ijia giakinu kame isekafiake.