Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maki 2:5 - Godido Vua Maeje

5 Bu ijiege revoga Jesu fu e ije bu fu ma vierafeva ije giae. Ijadufuo fu una dakude e vajae garema ije kuae, Farino gure, ise one ije nane giana arevono kuae.

အခန်းကိုကြည့်ပါ။ ကော်ပီ




Maki 2:5
28 ပူးပေါင်းရင်းမြစ်များ  

Fu ijia vakoga e gue bu e vajae garema ije dabe fata ijia nujana abe fuone ruae. Bu rovoga Jesu fu uri izege e ije bu fu ma vierafeva ije giae. Ijadufuo fu uri e ije kuae, Farino a mamoemo ije arekiro giriesane. Ise one ije nane gana arevano kuae.


Bara ije fu ijiege remoga Jesu fune fiena una dakude kuae, Kabaeno gufe ibe jumekiro nika giriesane. One a ma vierafema ijare adame one ije fune mukoe furimano kuae. Fu ijiege kuarako saroruba bara ije fune ijia una mae.


Ja vierafe nabe e ige kuaga fu suve fuone kara tuana uri vake? Ke na kuako ise one ije nane gana arevano kuake? Vua inokiro ije na izare e gure kuaraga ja giena ma vierafedufuo?


Rove Jiusi e mamekanu akae nijasiavo gue bu ijia karido bu ije gana una bue kuaevo,


Fu ijiege kuaramoga Jesu fu una kuae, Kabaeno, one a ma vierafemo ijare adame one ije fune kenujae. Ijadufuo nine oe dasuna va mukoreigia finoeno kuae.


Areme Jesu fu uri e ijene izege bu ma vierafevo ije giae. Ijadufuo fu uri e adagi ije kuae, Eko ise one ije nane giana arevano kuae.


Ijadufuo Jesu fu una bara ije kuae, Kabaeno one a ma vierafemo ijare adame one ije fune mukoe furi. Ijadufuo nine va maza boeje oemarekinu oenoeno kuae.


Areme Jesu fu rade una Godido Are ireobo bu baname isoevo ijia e ije fu amaerima ije bie. Fu biena kuae, Eko vajae one guraeje funeka una mukoreigia maradae ijadufuo ade rade una kuke va ise bino renoeno. Ro a faememarena una ise bino renoekuma ire ka ma ise be fu una one rega a gakono kuae.


Fu vakuma garia kekena izege Godi fu e ije daro miaema ije giamo fuka oemae. Ijadufuo fu uri soesoena kiae, Jade E Ireobo ije ijuonekiro nika maza boeje fu mukoreigia aguaena irinana karinoeno kiae.


E ije fuka mukoreigia fina Forudo vua ije fiemoga Foru fu ije gae. Fu gake e ije fuka vua fuone ije ma vierafemaga fu kenujakiro vierafei. Ijadufuo fu uri e ije verima areme urukeigia kuae, Eko urina koro arire manino kuae. Foru fu ijiege kuamoga e ije fuka uri furiko ajiakinu korufuo ijia oenoe.


Ja e uruvana ja vame ije ja naebe mukoreigia vierafekinu ijiege renoevo ijadufuo e gue jaka mamoekinu adame ise uruvana abena oeve.


Ro ja e befuo ise ije gana arekuva ije nadua na ise fuone gana areke. Ro na ise bino giana arevo ije Jesudo nidua ijia na ma giana arevo. Ro ije na revo ije na e ije Godi ma vierafevo ja ijia kariva ije joefuo ijiege rei.


Godi fuka ja marejiamo ijadufuo fu jone ja fu ma vierafevo ijia giana karauniae. Ro Godi fu ja karauniaema ije fume fure vekinu karauniae. Ro ja jare ire ma bino fuone reva ijadufuo fu karauniaema bakido jade aroekaradufuo.


Ro ja e bino bu vierafe buone ni bino ije renoekuva nime sone buina oe vafaena karinoefo. Ro kuke ja e binobe ire ise bino jone rekuva nime izege Kuraesi fu ise jone giana totema ijiege jadua giana oe jone ijia totena arefo.


Ro e ije bu baname isoevo ije buka ma vierafekinu baname isoekuva e adagi ije fuka migegire maeke. Ijadufuo maeje E Ireobo fu baname buone fiema ijadufuo adame fuone ije fuka furike. Ro e adagi ije fu ise bino rekuma E Ireobo ije fu ise fuone gana areke.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ