Maki 2:1 - Godido Vua Maeje

¹ Ijiege rena mu sibaneke furikoga Jesu fune una kuke Kafoniamu romoga e boeje bu vua ije fie.

Maki 2:1 ပူးပေါင်းရင်းမြစ်များ

Matiu 4:13

Fu va Nasareti keke rove fu naebe ijia finoe ro fu nana va are Kafoniamu ijia fi. Ro are ije fu do Gareri nafuema ivuake ijia ro fu are Zeburunekiro Nafetari guove ijia.

Matiu 9:1

Areme Jesu fune vanage abena do ije urana una gara are fuone ijia vae.

Maki 1:45

Rove e ije fu naebe arei ro fuka vua ijene dabe va e boeje kuariana nijasiae. Ijadufuo vua ije funeka migegireigia ifena are irore ijia vakoga e boeje bu fie. Ijadufuo Jesu fu naebe una samadukua kekena are gue ijia oenoekinu vua nijasiae. Ro fume va are etura ijia fikoga e are binobino karinoeva ije bu ijia fuone rovoga fu vua nijasiae.

Maki 2:2

Ijadufuo bune una vua fiekuae Jesu fino ijia ruae. Bu ro ijia afuiva are fu fino guove ro viene makave ije buneka e ijiebe iritoeje. Ijiege rekoga Jesu fu ijia manina vua maeje nijasiamo ijia e fari inokirokiro inokiro bu e vajae garema ije giena ijia ruae.

Maki 3:20

Areme Jesu fune una gire fuone ijia ajia vakoga e boeje bu kuke usiae ijia afui. Ijadufuo Jesukiro e vua fuone fievo bu ire ikuvega fuka maza baki.

Maki 7:17

Jesu fu ijiege kuaria areme fune e ije arena gire guove ijia aru vae. Areme e vua fuone fievo ije bu urina kuae, Ni vua ije a mena kuaruema ijadufuo maeje kuaruo no fieno kuae.

Maki 7:24

Jesu fu ijiege kuaria areme fune urina vakuma are Taea ivuake ijia keke. Fu ijia kekena gire be ijia ajia sauikiro vierafe rove e gue bu fu izia fino ije bune vierafe.

Maki 9:28

Areme rade Jesu fune una are ijia aru vakoga e vua fuone fievo ije bu mauike nuvena aru Jesu kuae, Kavene ise ije nore ude rorukurae. Rove a vierafe fu irerefuo naebe e ije arena keke vaemano kuae.

Ruki 4:23

Bu ijiege kuaevoga Jesu fu una kiae, Na giaga ja vua be ijiege kuariekuae vierafe. Ja kuae, A e gue karauniamo ijadufuo ni koro oe kenujanamine. Ro ni izege a are Kafoniamu ijia ire ije a renoeno no fieva ijiege una are one ma igia rega no gana a ma vierafeno kiekuae vierafe.

Ruki 5:18

Ro e bino bu e vajae garema ije abena suve ijia utima abe fata ijia nujana gie ruae. E ije bu vierafe buka e ijene abena Jesu manino uine ijia nijaga fu amaerikuae bu ijiege vierafena ruae.

Joni 4:47

Ijadufuo e ireobo ije fu fieke Jesu fune sakae Juda arena una Gareri ruaema fu fie. Ijadufuo e ije fu vierafe fu va Jesu kuaga fu ro fari fuone fu adame abena baronekuveno ijene ifejana kenujakiro fu vae.

Ekisi 2:6

Ijadufuo bu ire ije remo ije fiena una besu afui. Ro e binobino bu vua ije bu isama buone ijia kuaevo ije fievo buka oeseradiae. Ijadufuo bu una bue kuae, E gafe vua ijiege kuaevo ije bu e Gareriko.