Maki 1:41 - Godido Vua Maeje

⁴¹ Fu ijiege kuaramoga Jesu fu ije fiemo fuka ireobo oefiae ijadufuo fu umui fuone akoena e mataegi ije niriae. Fu niriaena kuae, Eko na vierafe na a amaeradakono kuae.

Maki 1:41 ပူးပေါင်းရင်းမြစ်များ

Iko Zinume 1:3

Areme Godi fune maza ije kuamoga fu are ije titutema ijia sanamoga fu ijene gamo fuka oemae. Ijiege rena fune uri titutema ijene abe atasena sanaema ije fu abe gue nijaga titutema fu abe gue nijae. Ijadufuo fu uri sanaema ije fu kua, Mazareno kuae. Ro titutema ije fu kua, Mugeno kuae. Ro ire ije fu mazani amure ijia amaeria furikoga ve ijia titutei.

Matiu 9:36

Jesu fu ijiege renoekinu uri e boeje bu vame binobino ijia oefiaeguma oenoejo ije giamo fuka ireobo oefiae. Ijadufuo maeje e ije buka vame binobino mave-sifi ije bu e samuagiamo baki igege buka oefiane ro irufui abenoejo fu ije giae.

Maki 1:40

Areme e be adame tatie igeki bu kua reforasino kuavo ije abema ijare Jesu fino ijia ruae. E ije fu kekena Jesudo nidua ijia augesana uri soesoena kuae, E Ireobo a vierafe a oemarekuma ni vajae none ige amaerijiega fu una madieno kuae.

Maki 1:42

Areme ve ijia adame reforasi fuone ije fune bakiremoga e ije fu saroruba una mae.

Maki 4:39

Bu ijiege kuaravoga Jesu fu urina majaufi ije kuriaerena vafui. Areme fune kuke davare ije ufeno ije kuae, Sibaneno ni arena mauike nano kuae. Areme majaufi ije fune saroruba ijia arekoga davare fu una mauike fu naema ijiege nae.

Maki 5:41

Bune ijia aruna irekoga Jesu fu ame ije umui kena isama fuone ijia kuae, Tarita kumino kuae. (Ro vua ijadufuo maeje, Bara iseke ige na kuavo ni una urine.)

Maki 6:34

Areme Jesu fune uri e boeje bu ijia afuiva ije giana fuka oefiane abei. Ijadufuo maeje e ije buka mave-sifi ije bu e samuagiamo baki igege oenoejo fu ijene giae. Ijadufuo fune uri zinuevena vua binobino nijasiae.

Iburu 1:3

Ro Jesu fuje fuka Godi vareki ijadufuo Godido sanaema maeje ije fuka vajae fuone ijia sanamo. Ro fure vua fuone ijadufuo daro ijia ire boeje bu saove gufia ro ume igia naovo ije samuagiamo. Godi fu Jesu Kuraesi kuamoga fu arina e boegiebuo ise ijia karaunia areme fu una Godi e ka ma daroki ijadufuo umui maeneke ijia fi.

Iburu 2:17

Jesu fume ema ije karanauniakiro arina vame binobino uviarafa fuone ige no kenoejo ijiege kenoe. Fu e zinone ifaejevo ijiebuo e ireobo igege rena ririkua ijia manina e boeje ijiebuo oefiane abena una Godi ma vierafena i fuone boeje mukoreigia mei. Ijadufuo maeje fu vierafe fu e boeje ijiebuo ise ije soejiaga fu furikiro fu ijiege rei.

Iburu 4:15

Jesu e ije nuvuefuo zinone ifaejamo fu oe fiane nuvuone binobino giana vierafemo ije fuka noena igia oenoe. Ijadufuo maeje Setani izege fu no biesiruomo ijiege fu Jesu biesiri arega fu ise be rekiro fu ijiege rei. Rove Jesu fu faememarena naebe ise be rei.