Korosiani 4:2 - Godido Vua Maeje

² Ro maza boeje baname jone ja isoenoevo ije jade mamoena arevo. Ro nika uri ni nafaena rerekinu baname isoena Godi oemarejakinu oenoefo.

Korosiani 4:2 ပူးပေါင်းရင်းမြစ်များ

Firifiani 4:6

Ro jade uri irufui bino bu jone ruovo ije uruke vierafekiro nime baname isoena Godi irere ja vierafeva ije kuarafo. Ro ja baname isoekuva ni maza boeje ire maeje fu vajiamo ijadufuo oemarejafo.

Ifisiani 6:18

Ro ire boeje ja revo ije ni maza boeje baname isoena Kavene Akae ije kuaga fure nijasiaga ja ijia nuvena kenoefo. Ro jade dazena karinoekiro nika urina samuafo. Ro maza binobino ja baname isoevo ije nika e ije Godi ma vierafevo ijiebuo baname isoefo.

Romeni 12:12

Ro ja ma vierafega Godi fu rade ire ma bino jone rekuma ije nika oemarekinu samua karinoefo. Ro kuke ja oenoene vajae fiane binobino biediana isejavaekuva ije nika sone oe vafaena biediafo. Rove maza boeje nika giriesana Godido baname isoekinu karinoefo.

Matiu 26:41

Urina kojo samuanakinu baname isoekina kavene ise Setani fu ja biesiriakuma jabe mamoeke. Na vierafe oe jone buka baname isoekuae vierafe rove buka vajae jone ijiebe mamoevono kiae.

Ruki 18:1

Areme Jesu fu una kuke vua be mena e vua fuone fievo ije kuariae. Fu ijiege kuariaga bu vierafekina buka maza boeje baname isoekiro bube ijuonedufuo fu ije kuariae.

Ruki 21:36

Ijadufuo jade mamoekiro nika uri mukoreigia joe samuanamikinu ro kuke maza boeje baname isoenoefo. Ja ijiege rekinu karikuva ja maza ije Ema ijiebuo Fari ige na una ruovo ijia ire boeje bu rekuva jaka uri giriesana irekono kiae.

1 Fita 4:7

Ro erafano maza ije ire boeje ume igia naovo bu furidufuo ije fune ivuareme. Ijadufuo ni uri ni nafaekinu kojo mukoreigia samuanamikinu giriesana Godi baname isoekinu karinoefo. Ro ire ka ma ireobo ijeja nika mukoreigia jone oetuanamifo. Ja ijiege oetuanamikuva ja kairafa jone bu ja isema revo ije jaka uria faememarena bu oetuakinu karinoeke.

Korosiani 1:9

Ijadufuo no iko zinume ijia jone izege ja kenoevo ije fiena noka maza boeje joefuo baname isoeve. No joefuo Godido baname isoega fu ifejiaga ja irere fu joefuo vierafemo ije mukoreigia vierafeke. Ro kuke Kavene Akae fu ifejiaga ja ire boeje mukoreigia vierafekinu renoedufuo.

Maki 13:33

Ijadufuo ni uri ni nafaena rerekinu karifo. Ijadufuo maeje ja mazani ije fu veze redufuo ije jaka naebe vierafei.

Korosiani 3:17

Ro ire boeje ja kuaekinu renoejo ijia nika e boeje ijiebuo nidua ijia Jesudo e rena irere fu joefuo rema ijadufuo Godi Asoe ije oemarejafo.

Korosiani 2:7

Ro ire ine fu manino ije fu sakae ijia girege saema ijadufuo fu mukoreigia manino. Ijadufuo ni jadua vame besu ijiege mumaza jone ja kari ruovo ije nika Jesudo bijuana karikina jone ja ma vierafevo ije fuka ubaeradiafo. Ro ni vua maeje bu ude nijasiaeva ije ma vierafena e daroki rekina oemarevo jone ije fu do igege oe jone ijia iritoejena ajiaurafo.

Korosiani 4:12

Ro kuke e jone be Efafurasi e ije Jesu Kuraesido imeno ije fudua fu ja anadiae. E ije fu vierafe fuka maza boeje joefuo isejavaekinu baname isoena Godi kuara fu ja ifejiaga ja e damuiki rena darokuma karikiro fu ijiege remo. Ro kuke fu Godi kuaraga fu oe jone kena kuderiaga ja maza boeje irere fu vierafema ije irinana nuvekiro fu ijiege remo.

Korosiani 3:15

Ro jaeje fune Godire kemano ni arega Kuraesido kafaemo ije fu oe jone ijia imekinu ja samuagiafo. Fu ijia imega ja e gue ro e jone ja buina karijo ijena kafaena maza boeje Godi oemarejadufuo.

Ekisi 1:14

Ro maza boeje bu una besu afuina Godido baname isoevo ije bara Meri Jesudo asie ijiakiro bara gue ro Jesudo uviarafa ije bu buina besu afuivo.