Korosiani 1:3 - Godido Vua Maeje

³ No maza boeje baname nuvuone no isoevo ije noka joefuo una Godi E Ireobo Jesu Kuraesido Asoe ijadufuo oemareve.

Korosiani 1:3 ပူးပေါင်းရင်းမြစ်များ

Romeni 15:6

Ja ijiege una agane besu re areme uri Godi E Ireobo Jesu Kuraesido Asoe ije aroekinu ive fuone abe ajiake.

1 Koriniti 1:4

Na maza boeje naka izege Godi fu ja daro miana vame binobino ijia ifejiamo na ijadufuo fuone oemareve. Fu ijiege remo ijadufuo maeje jane una Kuraesina besu rei. Ro fu ja daro miaema ijadufuo ire boeje jaka mukoreigia reve. Ro kuke ja vua fuone maeje mukoreigia fiekinu vierafevo ijadufuo jaka mukoreigia e gue kuariave.

2 Koriniti 1:3

Noka Godi nuvuone ro E Ireobo Jesu Kuraesido Asoe ije fu e marejiakinu oetuana ifejiamo ijadufuo oemareke. Ijadufuo maeje fure e ije bu oefiane abekinu irufui biediavo ije maza boeje ifejiamo.

Ifisiani 1:15

Ijadufuo na jone izege ja E Ireobo Jesu Kuraesi ma vierafekinuro Godido e ije ja oetuavo ije fuka ma ireobo remo na ije fie. Ijadufuo na maza boeje joefuo Godido oe marekinu baname isoeve.

Ifisiani 6:18

Ro ire boeje ja revo ije ni maza boeje baname isoena Kavene Akae ije kuaga fure nijasiaga ja ijia nuvena kenoefo. Ro jade dazena karinoekiro nika urina samuafo. Ro maza binobino ja baname isoevo ije nika e ije Godi ma vierafevo ijiebuo baname isoefo.

Firifiani 4:6

Ro jade uri irufui bino bu jone ruovo ije uruke vierafekiro nime baname isoena Godi irere ja vierafeva ije kuarafo. Ro ja baname isoekuva ni maza boeje ire maeje fu vajiamo ijadufuo oemarejafo.

Korosiani 1:13

Godi fu Setanido daro ije fu no samuaguomo ijia karaunue. Areme fu kaenamuona una Fari fuone Jesu fu oetuamo ijadufuo daro ije fu no samuaguomo ijia unue.

Korosiani 1:9

Ijadufuo no iko zinume ijia jone izege ja kenoevo ije fiena noka maza boeje joefuo baname isoeve. No joefuo Godido baname isoega fu ifejiaga ja irere fu joefuo vierafemo ije mukoreigia vierafeke. Ro kuke Kavene Akae fu ifejiaga ja ire boeje mukoreigia vierafekinu renoedufuo.

1 Tesaroniasi 1:2

Ijadufuo maza boeje no baname isoevo ije noka ja vierafekinu joefuo Godido oemareve.

2 Timoti 1:3

Ro Timoti na baname none na mumaza isoevo ije naka a vierafekinu Godido baname isoena oemarevo. Naka asaerafa none izege bu reva nadua nane ijiege oe none ijia mukoreigia vierafekinu fuefuo imenoeve.