Josua 7:7 - Godido Vua Maeje

⁷ Areme Josua fu uri kuae, E Ireobo no do Jodeni gare kariva ije fune marema anika arekuma. A irerefuo no kaenamuona do Jodeni tuana igia e Amarakaetiko ije vajiagana bu no kanuove?

Josua 7:7 ပူးပေါင်းရင်းမြစ်များ

Una Kaenamiae 17:3

Rove e ije buka urukeigia do duadiaema ijadufuo buka uria faememarena Mosisi ziegafae. Bu ijiege ziegafana kuae, No Ijifiti ijia kariva ije noka irekiro do ije ikinu kari. Ro a irerefuo anafa nuvuone igiakina fanuve nuvuone ro no kaenamuo kekena ae sao do baki igia ruaema noneka oekuae revono kuae.

Nabasi 14:3

Ro E Ireobo fu irerefuo no kaenamuona igia ruaema iviama e buneka no kanuoga none igia oedufuo. Bu kanuoga no oeke bararafa nuvuone ijiakina anafa nuvuone ije bune e ijiebe kaenamia vadufuo. Ijadufuo fube maredo noka una gamia Ijifiti vakono kuae?

Matiu 17:17

Fu ijiege kuaramoga Jesu fu uri kiae, E gure ka totenaminoekinu Godi ma vierafevo baki gurie igia fiefo. Ja vierafega na juaevasia izege jaena finoeke ja ijia una Godi ma vierafeke? Ame ije mesiri igia roga na gano kiae.

Matiu 17:20

Ro Jesu fu una kiae, Ijadufuo maeje Godi jaka ireobo vierafevo baki. Naka ma kuariavo igia fie, Jone ja Godi ma vierafevo ije fuka isekube ine sira sunine ijiekikuma ije jane mani. Ja manido ja uri nafare ije kuako, Ni nafe bio garia manino kuakuva fu ijiege reke. Ijadufuo ja ma vierafekuva ja manido ja ire boeje renoedufuo.

Iburu 12:5

Ijadufuo jade vua ije Godi fu izege anafa fuone ije soesoekinu ejafiana kuariaema ije totevo. Fu kuae, Anafa none igie E Ireobo fu ja madiakinu kaenamia urari uniamo ije jade oefiane abekiro nika oemarekinu mukoreigia fiefo.

Josua 7:6

Areme Josua fune vame ije bu reva ije gamo fuka ireobo oefiae. Ijadufuo fu uri ugone fuone faradia farae areme tuana uimutumutu Mavua Akae ije namo uineke sakaedo ijia dijena nako vakuma ve mui. Fu ijiege rekoga e Isureroko ijiebuo e mamekanu boeje buduaku oefiane abena uri kuokuo datena nigofo buone ijia akoe.

Josua 7:8

Ijadufuo E Ireobo na una vua irere a kuarake? Iviama e Isureroko ige noeje bune e ani nuvuone ijiebe kame arafiruovo no una subinae ruae.