Josua 7:6 - Godido Vua Maeje

⁶ Areme Josua fune vame ije bu reva ije gamo fuka ireobo oefiae. Ijadufuo fu uri ugone fuone faradia farae areme tuana uimutumutu Mavua Akae ije namo uineke sakaedo ijia dijena nako vakuma ve mui. Fu ijiege rekoga e Isureroko ijiebuo e mamekanu boeje buduaku oefiane abena uri kuokuo datena nigofo buone ijia akoe.

Josua 7:6 ပူးပေါင်းရင်းမြစ်များ

Iko Zinume 37:29

Ijiege rekoga e Rubini fu rade una va mako ije bu Josofu fare abieva ijene gake fu bakiga fuka ma ireobo oefiaemo fu uri sinuome fuone farae.

Iko Zinume 37:34

Areme Jekafu funeka oefiaemoga fu uri sinuome fuone faradia faraema areme uri ugone ise bu sana oefiane abevo ijene sama areme fuka maza jiamadogo fari fuone ijadufuo oefiane abei.

Neamaea 9:1

Ijiege rena asame besu ijadufuo mazani tuaedi fo (24) ijia e Isureroko ije bune una besu afui. Buka sinuome uki vajae aziziavo ijene sama tuvuare datena nigofo akoena ire atokinu ijiege rei.

Nabasi 14:6

Ro Josua e Nanedo fari ijiakiro Kerabi e Jefunedo fari ije bu aesakae Keinani ninakokuae vaeva ije bune uri izege e Isureroko ije bu Godi ma vierafekuae totenamivo ije giavo buka ireobo oefiadiae. Ijadufuo bune uri ugone buone bu saeva ije kame farae.

Ekisi 14:14

Bu ijiege renoejoga Forukiro Banabasi bu vua ije fiena buka naebe oemarei. Ijadufuo buka uri ugone buone kame farae korena difurisae e boeje bu afuiva uve ijia vae. Bu ijia vakinu kume, E ige ja irerefuo ijiege reve. Noeje nome ema ja vareki ro no Godido vua maeje abe ja kuariaga ja ire ise ije ja renoevo ije arekiro no ijadufuo ruae. No vierafe jaka oe kuderiana una Godi ni uria fino ije fuone vakuae no ije vierafei. Godi ijare sakae igiakiro saove gufe ro davare game amaeri areme ire boeje binobino ije amaeriana ijia uniae.

Josua 7:7

Areme Josua fu uri kuae, E Ireobo no do Jodeni gare kariva ije fune marema anika arekuma. A irerefuo no kaenamuona do Jodeni tuana igia e Amarakaetiko ije vajiagana bu no kanuove?

Revaresoni 18:19

Areme buka oefiane abena sakae kuokuo numuna nigofo buone ijia korekinu niraeke. Bu niraekinu kuaeko, Sidove daroki Bebironi ije iseko fuka vame ise ijia isejavae. Sidove ijare e ije sisime kena davare ijia oenoevo ije ifejiamo buka sinuome uruvana zarae. Rove fune maza aokube ijia ire boeje iremare furi.