Josua 6:4 - Godido Vua Maeje

⁴ Ro nine e zinone ifaejevo seveni ijiege kega bu vegu fanu sife kumate ijiebuo muane ije kena Mavua Akae ije bu abe vako ijia ude vafo. Ro maza seveni ijia ni e zinone ifaejevo ije kiaga bu sidove ireobo ije maza seveni ijiege ufuaenoekinu vegu ufefo.

Josua 6:4 ပူးပေါင်းရင်းမြစ်များ

Iko Zinume 2:3

Maza seveni ije fu abe daro mana fu akae remoga fu abe irigi nijae. Ijadufuo maeje Godi fu maza ijia fu ire boeje ume igia ro saove gufia naovo ije amaeriama furinoga fune ijia arena fi.

Nabasi 23:1

Areme Berame fune Kini Beraki kua, Ni noefuo mune ijia karina fata seveni (7) zinone ifaejedufuo ije nana amaeriane. A ijiege re areme nine mave-kau kumate seveni (7) ro mave-sifi kumate seveni ijiege noefuo kena rono kuae.

Josua 6:13

E zinone ifaejevo seveni bune uri vegu kena Mavua Akae ije bu abe vako uineke ijia ufekinu vae. Bu ijiege vakoga e bijaevo gue bune ude vakoga gue bu Mavua Akae ijuone ijia nuvediae. Ro e ije vegu ufevo ije bu naebe arei ro buka uria ufena ifenakinu vae.

Josua 6:3

Ijadufuo ni e bijaevo one ijena sidove ireobo ije kaginu ufuaenoene. Janika maza besubesu ijiege kaginu ufuaena oenoekinu vakuma maza sigisi ijiege furifo.

Josua 6:5

Ro ja fiega bu vegu ije ufena ka ifenana vako ja fiekuva ni e boeje kiaga buka urukeigia vijena jarekafafo. Ja ijiege rega sidove ijadufuo faere ije fu diduena ariga e fari boeje bu ijia aru vano kuae.

Revaresoni 1:20

Ire zuvi seveni umui maeneke none ijia ireva ijiakiro ire ine jiamadogo seveni gorodi ijia amaeriava bu raete kuriavo ijadufuo maeje igene. Ire ine jiamadogo ijeja sosi seveni ijene. Ro zuvi seveni ijeja kavene maeje bu sosi samuavo ijene.

Revaresoni 1:4

Joni nare vua ige isoena e Jesu ma vierafevo bu sidove seveni aesakae Esia guove sosi ijia afuina baname isoevo ije nijiave. Na baname isoega Godi e ije fu isuibe ijia fina ruaema ro kuke fu uria fido fu rade ruadufuo ije fu maza boeje ja ma rejiana mukoreigia ifejiakinu samuagiaga ja kafaena karinoedufuo. Ro kuke na vierafe Kavene Akae ije Godido fata maeje ijadufuo nidua ijia i seveni meno ije fudua ja ijiege samuagiadufuo.

Revaresoni 10:3

Areme fuka urukeigia kumekoga fuka siroe raejoni fu goemo igege goena ruae. Fu ijiege kumekoga fuka saove igege seveni kumei.

Revaresoni 15:1

Areme na una saove ijia ire ka sumiki ijene gae. Na gake anera seveni bu ire seveni kena aesakae ije isekafakuae ruove. Ire ijiebe radekuma ijia aesakae ijia isekafaga Godido ziemo ije fu ijia furike.

Revaresoni 15:7

Areme ire fo ni uria kariva ije be fune urina anera seveni ijene disi gorodi ijia amaeriaeva ijene seveni kena vajiae. Ro disi ijia buka Godi ije maza boeje ijia fivako ijadufuo ziemo ijare ijia iritoeje.

Revaresoni 16:1

Areme na fieke vua be fuka urukeigia Godido Are ijia anera seveni ije kuariae. Fu kumei, Usiaena va ire ise Godido ziemo ije disi seveni ijia naovo ije kame aesakae ijia usiakoreno kumei.

Revaresoni 5:1

Ro na kuke e ije fata ijia fino ijadufuo umui maeneke ijia gake fu ire be buki igeki bu utiva ijene farena fine. Ro ire buki igeki ije fu farena fino ije bu guegue isoena okurama arei ro kave ijia bu kaje seveni tamukuriae.

Revaresoni 5:6

Areme na kuke gake Mave-Sifi Ame ijare fata ririkua ijia manikoro ire fo (4) ni uria ije bu ijia irei. (Ro Mave-Sifi Ame ije fu Jesu Kuraesi). Ro e uguaeki ije bu fata buone ijia karina ufuaenoena arei. Ro Mave-Sifi Ame ije ijia fino ije bu ude kanana matane mavo fu baronema ijene. Ro nigofo fuone ije fu ire muane seveni ijiebe ijia ajia usiae ro niome fuone ije fu kuke seveni. Ro ire seveni ijiebuo ma ijeja Godido kavene seveni fu uniamo bu are irore ijia vaeva ijene.

Revaresoni 8:2

Ro na giakoga bu anera seveni ije Godido nidua ijia irevo ije seveni kena vajiae.

Revaresoni 8:6

Areme anera seveni ije bune uri buone seveni ije ufekuae samuae.