Josua 5:3 - Godido Vua Maeje

³ Ijadufuo Josua fune sime uiki bino amaeria areme kena are Gibiati Araroti ijia e Isureroko ijiebuo vajae surive ije kania ufuna nuga naejiae.

Josua 5:3 ပူးပေါင်းရင်းမြစ်များ

Una Kaenamiae 4:25

E Ireobo fu ijiege remoga Mosisido bara Zifora fu uri mune uiki ijia abena fari fuone ijadufuo vajae surive kana ufuna abe Mosisido dia ijia kamana farei. Ijadufuo maeje Zifora fu vierafero Mosisi fu fari fuone fu naebe vajae surive fuone kana ufuna nuga nijaedo E Ireobo fuka ziena kanakiro fu ijadufuo ijiege rei. Zifora fu ijiege remoga E Ireobo fu ijadufuo Mosisi fu naebe kanae ro fu ijia arei.

Matiu 16:24

Areme Jesu fune una e vua fuone fievo ije kiae, E be erare fu dia makae none ijia nuvediekiro vierafekuma ni ire fuone boeje ume igadufuo ije ka ijuoegafiadufuo. Areme fu uri vajae fiane binobino bu fuone ruovo ijia ka uria faememarena noefuo imedufuo.

Josua 5:2

Ijiege rena E Ireobo fu Josua kuae, Ni mune fae ijia kena sime uiki bino amaeria areme kena e Isureroko e fari eranebe bu surive buone naebe kania ufuiva ije kaenamiana nuga naejiano kuae.

Josua 5:4

Ro ude e fari bune bijaedufuo maniva ije bu Ijifiti arena usiae ruaeva ije bune vajae surive buone kania ufuna nuga naejiae. Rove e ije bu juaevasia foti (40) ijiege ae sao ijia oenoeva ije buka naebe Godi irinae. Ijadufuo Godi fu kia bube aesakae ije ire uruvana zaraema ije fu abe miakono kiaema ijia vako kiae. Ijadufuo e ije bune ae sao ijia oema furi. Areme E Ireobo fu uri anafa buone kemoga bure una orafa buone ijiebuo are ije abei. Rove e ije bu uria naebe kena nuga naejiae. Ijadufuo Josua fu e ijiebuo vajae surive ije kania ufuna nuga naejiae.