Josua 3:6 - Godido Vua Maeje

⁶ Areme nituame suoke Josua fune uri e zinone ifaejevo ije kiae, Urina Mavua Akae ije abe giena ude do ije tuana vake e boeje bu nuvediano kiae. Fu ijiege kuariamoga e zinone ifaejevo ije bune fu kuariaema ijiege rena uri Mavua Akae ije abe giena vakoga e boeje bune ijia nuvediana vae.

Josua 3:6 ပူးပေါင်းရင်းမြစ်များ

Nabasi 10:33

Areme e Isureroko bu uruo akae Saenae ije arena bune maza inokubeke vame ijia vae. Ro maza ije bu vako ije E Ireobo ijadufuo Mavua Akae ije fu ude vako e Isureroko bu izia karidufuo fu ije nijasiamo.

Nabasi 14:15

A e ije kame maza besu ije ijiege kaniaga bu oekuva e aesakae gue ijia kariva bu ije fieke. Bu ije fiekuva bu kuaeko, E Ireobo fu naebe manima ijadufuo e ije fu naebe kaenamiana keke aesakae ije fu abe miakiro kuaema ijia vae. Ijadufuo fu ae sao ijia kaniamoga bu oevano kuaeke.

Josua 3:3

Bu kiae, Ja karikinu giaga e Rivaeti Godido zinone ifaejevo bu E Ireobo Godi ijadufuo Mavua Akae ije abe giena vaga ni uri are muvuaka jone farae areme sinuome karina bu vako ijia nuvediafo.

Josua 3:5

Areme Josua fune urina e boeje kiae, Nine uri ise jone ije Godi visu kuarakinu oe jone amaerinamifo. Ijadufuo maeje E Ireobo fuka isuome ire sumiki ka daroki bino nidua jone ijia rega ja giakono kiae.

Josua 3:7

Areme E Ireobo fune uri Josua kuae, Na ivia zinuevena a abe e Isureroko boeje ijiebuo nidua ijia a arorake. Na ijiege rega bu ijia gana vierafero na izege na Mosisiki oenoeva ijiege na una osiki oenoevoro bu a mukoreigia aguarakinu irinake.

Josua 6:6

Areme Josua e Nanedo fari ije fune e zinone ifaejevo ije kumeno bu rovoga fu kiae, Ni E Ireobo ijadufuo Mavua Akae ije abefo. Ro e zinone ifaejevo gue seveni ije kiaga bu vegu bino kena Mavua Akae bu abe vako ije uineke ijia vano kiae.