Josua 3:16 - Godido Vua Maeje

^16-17 Fu ijiege sikoga do ije fuka ireobo niguna una ajia vakuma are Adame ijia vae. Ro are Adame fuka mumabo ijia ro fu sidove Zaretani ivuake ijia. Ro do Jodeni zinuine fu kanana davare bu kua Do Sorokino kuavo ijia vaema ije duaku funeka si furi. Areme e Mavua Akae abe oenoejo ije bune do Jodeni ukua ijia irekoga e boeje bu Mavua Akae ije fu manino ijia iriaeki asina bune gara vae. Ro do ije bu are Jeriko ivuake ijia tuana vae.

Josua 3:16 ပူးပေါင်းရင်းမြစ်များ

Iko Zinume 14:3

Ijiege rena kini faeve ije bune are amare Sidimino kuavo ijia e buone bijaevo ijene kena besu afui. (Ro ive Sidimi ijadufuo maeje ijeja Davare Soruki).

Una Kaenamiae 14:21

Areme Mosisi fune urina umui fuone ije davare ado ijia akoena manikoga majaufi ka daroki ijare are una mazani ajiamo nake ijia ufi. Majaufi ije fu muge boeje ijiege ufikoga davare ije fuka dabe ukua ijia tura guegue faere igege kirana ajiakoga e Isureroko bu ukua ijia ajare iriaeki ijia urana gara vae.

Una Kaenamiae 14:29

Bu ijiege rekoga e Isureroko buje bu davare ije fu dabe atana guegue faere igege kiraema bu ukua ajare iriaeki ijia urana gara vae.

Una Kaenamiae 15:8

Ro a davare ado ijia ufekoga fu dabe atana guegue faere igege kirana ajiae. Ro davare guove ije fuka ma gikikimana mune igege rei.

Josua 3:13

Ro maza ije e zinone ifaejevo bu E Ireobo ijadufuo Mavua Akae ije abena iko do ijia tuakuva Godi fu ire sumiki be joefuo reke. Do ije fu naebe una ruvake ro fuka dabe turasena nafue ajiake ro zinume fu sikono kiae.

Josua 5:1

Areme e Amoraetiko ijiebuo kini boeje bu do Jodeni irifo una maza koeno nake kariva ijiakiro e Kenanaetiko ijiebuo kini boeje davare irifo ijia kariva ije bu vua ije fie. Bu izege E Ireobo fu do Jodeni kuamo fu sikoga e Isureroko boeje bu ijia urana vaeva bu ije fie. Bu vua ije fievoga buka ma ireobo oeseradiana ane ausiae ijadufuo bu izege uri giriesana e Isureroko ijena bijaekuva baki.