Josua 24:18 - Godido Vua Maeje

¹⁸ Fune E Ireobo ijare nidua nuvuone ijia e aesakae uruvana ijia kariva ijiakiro e Amoraetiko ijene kaniakuriae. Ijadufuo nodua no vierafe noka E Ireobo ije oetuakinu irinake. Ijadufuo maeje fuje fuka ma Godi nuvuone.

Josua 24:18 ပူးပေါင်းရင်းမြစ်များ

Una Kaenamiae 10:2

Ro kuke jadua ja ije giakuva ja rade oenoene anafa jone ijiakina asaerafa jone ije izege na e Ijifitiko ije kame vame ise ijia isekafiana ire sumiki ije buone revo ije kuariake. Ro kuke e boeje jadua ja ije giavo ijia ja vierafero naeje naka ma E Ireoboro ja ijiege vierafeke. Ijadufuo ni iviama una va kini Fero gana vua kuarano kuae.

Una Kaenamiae 15:2

E Ireobo ije fu na daro miena kenujie ijadufuo na fuefuo dua urukafake. Fu ma Godi none ijadufuo na fu dabe aroeke. Ro fuje fu asoe none ijadufuo Godi ijadufuo na daro fuone ka ma ireobo ijadufuo dua urukafake.

Una Kaenamiae 23:31

Na E Ireobo nare aesakae jone kiane ije abe biona vakuma Davare Akaba nafuema ijia irina vakuma Davare Meditereniani namo ijia vake. Ro una ikene gue ije na ae sao ijia irina vakuma Do Iufureti ruvako ijia vake. Areme nare daro miaga ja aesakae ije abena karikinu e ijia karivo ije biokiake bu usiae vakuma ka furidufuo.

Ekisi 7:45

Areme rade asaerafa nuvuone bu are muvuaka ije dabe anafa buone ije miavoga bu abe giena e Josuana e ae binoko ijiebuo aesakae ije abekuae vae. Godire e aesakae ijieko ije kania kuriamo bu subinae vae. Ro Godido Are muvuaka ije fume ijia na ruoma e Devidido mazani ijia ruae.

Josua 24:17

Ijadufuo maeje fune Godi nuvuone ijare no asaerafa nuvuone ijena Ijifiti ijia karina ebuo moni baki imenoevoga fu ijia karaunuona kaenamuo keke ruae. Ro kuke fuka ire sumiki uruvana nidua nuvuone ijia rei. Fuka vame ijia aesakae boeje no asidiaejana ruaeva ijia mukoreigia samuaguokinu kaenamuo ruae.

Josua 24:19

Bu ijiege kuaevoga Josua fu kiae, Na vierafe ja fu oetuakinu irinadufuo ije jaka naebe mani. Ijadufuo maeje E Ireobo ije fuka Godi akae. Fu vierafe jaka maza boeje fu fuosukua fuone baname isoedufuo. Ro ja uria faememarena godi kufui ije buone baname isoekuva fuka defaruike. Ro kuke ise jone fube giana areke.