Josua 24:14 - Godido Vua Maeje

¹⁴ Ijadufuo ni godi kufui ije asaerafa jone bu sakae Mesofotemia do irifo ro sakae Ijifiti ijia karina buone baname isoenoeva ijene kame garege korefo. Ro nika uri E Ireobo ije oetuakinu irinana fuefuo ijuebaki imefo.

Josua 24:14 ပူးပေါင်းရင်းမြစ်များ

Iko Zinume 17:1

Areme maza ije Aburame fu juaevasia fu bieteva ije fune naeniti naeni (99) ijiege furikoga ijia E Ireobo fu arina fuone ruae. Fu arina kuae, Naeje na Godi ka e daroki ijene. Ijadufuo ni vua irere ige na kuaravo ije maza boeje fiena iriniakinu vame ma ijiaru kenoeno kuae.

Iko Zinume 35:2

Ijadufuo Jekafu fune uri agane fuone ijiakina e boeje eranebe fuina kariva ijene kiae, Iviama ni godi jone boeje e ae binoko ijiebuo ije ja naeva ja ma vierafevo ije ka ijuegafiafo. A nine uri jone amaerenamikinu sinuome jone iviaeko ijene safo.

Ruki 8:15

Ro una uije ije sakae ma ijia arina mukoe tavuana fo kiravo ijeja e ije bu Godido vua ije mukoreigia fiena abe oe buone ijia gikikimana vierafenoevo ijene. Areme buka uri giriesana vame maeje ijuoebaki rekinu karinoega kairafa gue nijasiakinu kuariaga budua uri ijiege renoekinu Jesu ma vierafevo ijene.

Ekisi 9:31

Areme maza ijia e Jesu ma vierafevo bu are Judiakiro Gareri ro Sameria sosi ijia afuivo ije bu una kafaena Godido baname isoekinu karivoga buka e uruvana rei. Bu ijiege renoekoga Godido Kavene fuka daro miamo buka e damuiki revoga bu uri E Ireobo ije mukoreigia aguae.

2 Koriniti 1:12

Ijadufuo na vierafe irere na oe none ijia vierafena kuaevo ije nane ma kuaeve. Ro iko zinume ijia ire ige no kuariakuvejo ije fuka Godire ifejuo ijadufuo ire boeje no oenoekinu joefuo renoeva ije noneka ma vierafena renoe. Ro ije no renoeva ije no ema ijiebuo vierafe ijia renoeva baki. Ro ire boeje fune Godire no ma rejuona daro muokoga no renoe.

Ifisiani 6:24

Ro kuke na baname isoega Godi fu e ije eranebe bu maza boeje E Ireobo nuvuone Jesu Kuraesi datura baki oetuavo ije ma rejiana mukoreigia samuagiadufuo.

Firifiani 1:10

Areme ja samadukua vame ma ro ise ijia giana una vame ma ijiaru nuvediana kenoedufuo. Ro kuke maza rade Kuraesi fu una ruomo ijia jabe jaevekiro jaka maturaena fu bieke.

Josua 24:2

Bu afuivoga Josua fune urina e boeje vua ijiege kuariae. Fu kiae, E Ireobo e Isureroko ijiebuo Godi ije fu ijiege kuae, Isuibe asaerafa jone ijiakina asae jone be e Tera Aburamekiro Neobuo asoe ije bu do Iufuretisi irifo ijia karinoeva bu godi kufui ijene baname isoekinu arorianoe.

Josua 24:23

Areme Josua fu kiae, Ja ijiege kuaevo ijadufuo nine iviama e ae binoko ijiebuo godi kufui ije ja buone baname isoevo ije nika kena mutu korefo. Ro oe jone ije ka kena una E Ireobo e Isureroko ijiebuo Godi ije vajano kiae.