Josua 2:24 - Godido Vua Maeje

²⁴ Bu kuae, E Ireobo fu aesakae ije fune abena no mue. Ijadufuo maeje no giaga e boeje aesakae ijia kariva ije buka ma ireobo no jumevono kuae.

Josua 2:24 ပူးပေါင်းရင်းမြစ်များ

Una Kaenamiae 15:15

Ro e aesakae Idomiko ijiebuo e mamekanu bu ije fiekuva buka dejudiaeke. Ro kuke e Moabiko ijiebuo e daroki ije buka safusiaga bu jumeke. Ro e Kenanaetiko ije bu vua ije fiekuva buka safusiana darobirenamiake.

Una Kaenamiae 23:31

Na E Ireobo nare aesakae jone kiane ije abe biona vakuma Davare Akaba nafuema ijia irina vakuma Davare Meditereniani namo ijia vake. Ro una ikene gue ije na ae sao ijia irina vakuma Do Iufureti ruvako ijia vake. Areme nare daro miaga ja aesakae ije abena karikinu e ijia karivo ije biokiake bu usiae vakuma ka furidufuo.

Josua 1:8

Ro maza boeje anika buki akae ige dakinu ro mumaza kena mukoreigia nigofo one ijia vierafenoene. A ijiege rena vua boeje bu isoeva ijene iriniana renoekuma ire boeje a remo ije buka maredufuo.

Josua 2:23

Areme e inokiro ije bune uruo ije arena una do Jodeni tuana gara vae. Bune vakuma Josua e Nanedo fari ije fino ijia usiaena vua boeje izege bu are Jeriko ijia reva ijene Josua kuarae.

Josua 5:1

Areme e Amoraetiko ijiebuo kini boeje bu do Jodeni irifo una maza koeno nake kariva ijiakiro e Kenanaetiko ijiebuo kini boeje davare irifo ijia kariva ije bu vua ije fie. Bu izege E Ireobo fu do Jodeni kuamo fu sikoga e Isureroko boeje bu ijia urana vaeva bu ije fie. Bu vua ije fievoga buka ma ireobo oeseradiana ane ausiae ijadufuo bu izege uri giriesana e Isureroko ijena bijaekuva baki.

Josua 6:2

Areme E Ireobo fu Josua kuae, Iviama na are Jeriko ijiakiro kini fuone ro e bijaevo boeje nane kena a vajado a iraerena kania furike.