Josua 2:10 - Godido Vua Maeje

¹⁰ Ijadufuo maeje none izege ja are Ijifiti arena rovoga E Ireobo fu Davare Kavuane kuamo fu sikoga ja ijia urana ruaeva no ije fie. Ro kuke no izege ja do Jodeni irifo maza ajiamo nake ijia e Amoraetiko ijiebuo kini e Sionikiro Ogi ijiebuo e ije kaniana uinituva no ije fie.

Josua 2:10 ပူးပေါင်းရင်းမြစ်များ

Nabasi 20:14

Areme Mosisi fune are Kedesi ijia figana e bino kiamoga bu vua ige abena e Idomeko ijiebuo kini ije kuarakuae vae. Ro vua ije fu ijiege nijae, No uviarafa jone e Isureroko ije nore vua ige nijiave. A vajae fiane binobino bu nuvuone ruaeva ije ane fiena vierafei.

Nabasi 23:22

Fune Godire korufuo are Ijifiti ijia kaenamiana keke ruaema ijadufuo fune fure korufuo mave-kau kumate baego igege buefuo bijaemo.

Nabasi 24:8

Buje bu Godire Ijifiti ijia kaenamiana keke ruae. Ro kuke fure daro miaga buka mave-kau kumate baego igege e ani buone ije iraraena kaniavo. Ijadufuo bure e aesakae gue bu buina bijaekuva buka bure iraraena juvuave buone ijia kame bijiana ane tuasedufuo.

Josua 24:12

Ro ja jare daro jone ijia e boeje ijiakiro e Amoraetiko ijiebuo kini inokiro ije juvuamagu jone ijia buina bijaena kaniaeva baki. Ro na nare ude vakoga e ani jone buka ijadufuo ireobo jumekinu ro ka totenamikoga ja kaniakuriae.

Josua 4:24

Fu ijiege rekina e boeje aesakae irore igia kariva bu bite ijia gana vierafero E Ireobo ijadufuo umui ije fuka darokiro bu ijiege vierafeke. Ro kuke fu ijiege rekina jaka maza boeje E Ireobo Godi jone ije aguaekinu irinakono kiae.

Josua 5:1

Areme e Amoraetiko ijiebuo kini boeje bu do Jodeni irifo una maza koeno nake kariva ijiakiro e Kenanaetiko ijiebuo kini boeje davare irifo ijia kariva ije bu vua ije fie. Bu izege E Ireobo fu do Jodeni kuamo fu sikoga e Isureroko boeje bu ijia urana vaeva bu ije fie. Bu vua ije fievoga buka ma ireobo oeseradiana ane ausiae ijadufuo bu izege uri giriesana e Isureroko ijena bijaekuva baki.