Josua 2:1 - Godido Vua Maeje

¹ E Isureroko bu are Akesia ijia are muvuaka sana kariva ijia e Josua fu e inokiro kiae, Ni va sakae do Jodeni gara ijia sidove ireobo Jeriko ivuake ijia mauike mukoreigia ninakono kiae. Fu ijiege kuariamoga bune vakuma gafia usiaevo funeka ve mumoga bu bara amune Reabi ebuo baru turanoeno ijadufuo are ijia naokuae vae.

Josua 2:1 ပူးပေါင်းရင်းမြစ်များ

Iko Zinume 42:16

Ro e boeje jaeje na kia bu faradia igia karike e be fuka una va ame iviene gafe mesiri ruake. Ja mesiri igia roga na ijare vua jone ja kuarieva maeje gake. Ro bakuma naka kini kuaraedo na vierafe jaka kufuimena no avae guonoevono kiae.

Iko Zinume 42:9

Ro Josofu fune naka fuone izege fu naena bu giaema ije fune vierafe. Ijadufuo fu urina kiae, Jaeje jaka kufuimena ura oenoekinu aesakae nuvuone ige no avaeguonoeve. Ja oenoekinu guoga no iziebure mamoena isema renoeko ro iziebure none mukoe revo ja ijene guonoejono kiae.

Nabasi 13:1

Areme E Ireobo fu Mosisi kuae, Ni e Isureroko agane besubesu ijia kiaga bu e mamekanu buone kega bu mauike va aesakae Kenani ijia na abe e Isureroko ije miakuvejo ije ninako gano kuae.

Matiu 10:16

Ro igia fie, jaeje na ume kukoruko igege kena e ise siroe kuriae e sakiavo igeki uve ijia uniaga ja vake. Ijadufuo ja va i menoekuva ni mukoreigia jone samuanamikinu oe vafaena kabuaekabuaeki i jone ma ijiaru menoefo. Ro jade uri bijaekinu ro ire ise bino rega bu ijadufuo ja kame isekafiavo.

Ifisiani 5:5

Ro vua ige na kuariakuvejo ije fuka mano ni mukoreigia fiefo. E ije erare fu sinuome ro moni ireobo oetuakinu ro uruvana vierafenoeno ije fuka e ije bu Godi kufui ije baname isoevo ijiege reme. Ro erare fu maza boeje ire ise umigi ije oe fuone ijia vierafenoekinu ro barubara fudaenamivo e ije bube una e ije Godikiro Kuraesi bu oe buone ije samuagiavo ijena mazieke.

Iburu 11:31

Ro kuke bara Reabi ebuo baru turamo ije fu ma vierafema ijadufuo fu e Isureroko ije bu mauike nuriete are Jeriko gakuae vaeva fu ije ifejiana kena urie. Ijadufuo fu naebe e ije bu Godi naebe irinaeva ijena baronei.

Jemisi 2:25

Ro Eburame fu rema ijiege ro bara amune be baru turamo ive fuone Reabi ije fudua fu besu ijiege rei. Fu e ije bu avae giakuae vaeva ije oemarekinu kaenamiae. Ro rade fu kiamoga bu mauki vame bese una vae. Bara Reabi fu vame ma ije kema ijadufuo Godi fu fu abena una fuone ma ijia nujae.

Josua 1:18

Ijadufuo anika giriesana daromene. Ro erare fu faememarenoekinu vua one ije karatuakinu ro a naebe irinakuma e ije noka mune tuana kanaga fu baronekono kuae.

Josua 2:2

Rove e be fu va e Jerikobuo kini ije kuae, E Isureroko bino bune are ige ninakokuae muge ruaevano kuae.

Josua 3:1

Areme nituame suoke mugamia Josua fune e Isureroko boeje ijena bune are Akesia arena vakuma do Jodeni irifo ijia usiae. Bu ijia usiaena uri are muvuaka sama areme ijia kari rove bu naebe do tuana gara vae.

Josua 5:10

Ijiege rena bu uria are Gigaro amare are Jeriko ivuake ijia kariva ijia bu asame amure ijadufuo maza fotini ijia iro Fasova ije i. Bu iro ije ikinu izege E Ireobo fu Ijifiti ijia e Isureroko ijene kaenamia keke ruaema ijadufuo oemarei.