Joni 7:4 - Godido Vua Maeje

⁴ A igia sauina fikuma e are irore boege bu izege a ma vierafekuva baki. Ijadufuo a vierafe e boeje bu a gana ma vierafekuva ni urina una gamia Judia e uruvana bu afuina iro ijo ijia va ire sumiki ije rega bu gano kuae.

Joni 7:4 ပူးပေါင်းရင်းမြစ်များ

Matiu 23:5

Ro ire boeje bu kenoevo ije bume ema ijiebe giakuae bu ijene renoeve. Buka urina buki akae ijia vua kafare bino kena isoema kame farane ro variatare buone ijia kirianoejo. Ro kuke bu vierafero are ebe giaro buka urina ugone buone ni mukore ijiaru amaerima sanoeve.

Matiu 4:6

Areme Setani fune uri Jesu kuae, A ma Godido farikuma ni ijia manina umakoena sakaedo gamia arine. Ijadufuo maeje isuibe buki akae ijia bu ijiege isoe, Godire anera fuone boeje kiaga bure a samuagake. Ro a umakoekuma bure dabena ari vakuma sakaedo ijia nujakuva abe arina oe kananamike. Ro kuke dia one ije abe kena mune ijia kaniatuasekono kuae.

Matiu 6:16

Fu ijiege kuaria areme kiae, Ja oenoene ire bino atokuae vierafekuva jade uri e iti kufuiki bu kenoevo ijiege kevo. Bu kuae are e guebe giakuae bu usiae e niome ijia buka vasia abeva igege oenoeve. Rove na ige kuariako fiefo. Bu ijiege renoevo ije bune ema ijiebe sibane ijifure giana aroriave. Ijadufuo Godi fu irerefuo una bu kame aroriakuma baki.

Matiu 6:5

Jesu fu ijiege kuaria areme kiae, Ja oenoene Godido baname isoekuva jade e iti kufuiki ije matiana buenina baname isoevo. Bu maza boeje Godido are ijia aruna vierafero are ebe fiejuoro buka uri arire irena baname jiamadogo isoevo. Ro kuke buka usiae makave ijia ijiege vierafenoekinu baname isoenoeve. Rove na kuariako ni fiefo, e ije ijiege renoevo ije bune ema ijiebe sibane ijifureki aroriave. Ijadufuo Godi fu irerefuo rade una vame ma bino ve ijadufuo buone rejiakuma baki.

Ruki 6:45

Ijadufuo vame besu ijiege e maeje fu ire maeje fu oe fuone ijia vierafemo fu ije kuaenoene. Ro e ise ije fu ire ise fu oe fuone ijia vierafemo fu ijene kuaenoene. Ijadufuo irere e ije fu oe fuone ijia vierafemo ije fu itire fuone ijia kuaemono kiae.

Joni 18:20

Fu ijiege kuaramoga Jesu fu una kuae, Na maza boeje naka e boeje ijiebuo nidua ijia vua none kuarianoe. Na are isesina jone ja afuina vua kuaevo ijia ro kuke Godido Are ije e Jiusi abero e Jiusi baki bu maza boeje baname isoevo ijia aruna vua nijasiakinu kuarianoe. Ro vua bino na naebe mauike nuriete kuariaenoe.

Joni 7:5

Ro vua ije bu Jesudo uviarafa ijiebe ijiege kuarae rove budua bu Jesu ma vierafevo baki.