Joni 4:3 - Godido Vua Maeje

³ Jesu fu fieke e Feresi ije bune vua ije abe kuaenoejoga fune sakae Judia ije arena una Gareri ijia vae.

Joni 4:3 ပူးပေါင်းရင်းမြစ်များ

Matiu 10:23

Ro kuke ja sidove be ijia vaga e bu ja kaniakinu vame ise bino jone rekuva ni sidove ije arena una be ijia vafo. Ro igia fie, sidove boeje are Isurero guove ijia karinoeva ije gue vua none ja naebe abe kuaria furiva ijia Ema ijiebuo Fari ige na una ruakono kiae.

Maki 3:7

Ijiege rena Jesu fune uri e vua fuone fievo ijena una do daturako nafuema ijia vakoga e Gareriko ka ma uruvana bu uri fu nuvena vae.

Ruki 17:11

Areme maza be Jesu fune sidove Jerusareme vakiro vakuma are be bu sakae Sameriakiro Gareri ukua ijia kariva ijia kekei. Ro Jesu fu iko are ijia kekemoga e teni (10) vajae tatie reforasino kuavo ije abeva ijiebe fu biekuae ruae. Rove bu naebe usiaena Jesu niriae ro bume mumabo gafia irena urukeigia kumei, Jesu E Ireobo, abe nuvuone oefiane abena ifejuokono kumei.

Joni 1:43

Areme nituame Jesu fune are Gareri ijia vakiro vierafenoeno ijia fu e Firifi bie. Fu biena kuae, Urina na nuvedieno kuae.

Joni 10:40

Fune Jerusareme arena una kuke Do Jodeni tuana gara are ije Joni fu e do ruoriaema ijia finoekiro vae.

Joni 11:54

Bu ijiege kuaeva ijadufuo Jesu sakae Judia fu oenoema ije fu naebe una e ijiebuo nidua ijia oenoe. Ro are ije fu ijia arena una urina sidove Eferame ae sao ivuake ijia e vua fuone fievo ijena ijia fikiro vae.

Joni 2:11

Jesu ire sumiki ije fu zinuevena remoga e boeje bu gaeva ije fu are Keina sakae Gareri guove ijia rei. Fu are ijia vame fuone sanaema ije remoga e boeje bu gae. Ro e vua fuone fievo boeje bu ijia gana uri fu ma vierafei.

Joni 3:22

Jesu fu ijiege kuaria areme fune e vua fuone fievo ijena e Judiakobuo are ijia vae. Fu va ijia maza sibaneke e ijena fikinu bu kaenamiana do ruoriae.

Joni 3:32

Ro E Ije fu kave gufia ari ruomo ije fu vua irere boeje fu saove gufia fiekinu giaema fu ijene abena e ume igia kariva ije kuariamo. Rove fu erare vua fuone mukoe oemarekinu fiemo baki.

Joni 4:47

Ijadufuo e ireobo ije fu fieke Jesu fune sakae Juda arena una Gareri ruaema fu fie. Ijadufuo e ije fu vierafe fu va Jesu kuaga fu ro fari fuone fu adame abena baronekuveno ijene ifejana kenujakiro fu vae.

Joni 7:1

Areme rade Jesu fune aesakae Gareri ijia oenoekinu e ije vua nijasianoe ro fu naebe una sakae Judia ijia oenoekiro vierafei. Ijadufuo maeje Jiusi e mamekanu ije bu fu kanakuae samuana kariva ijadufuo fu ijiege rei.