Joni 16:3 - Godido Vua Maeje

³ Bu Asoe none ijiaki no bu naebe ma vierafevo ijadufuo bu ire ise ijieki jone reke.

Joni 16:3 ပူးပေါင်းရင်းမြစ်များ

Ruki 10:22

Ro Asoeno are ire boeje ige na samuagiadufuo ijene vajie. Ro kuke fu erare na mukoe giena vierafema baki ro ane are osukua na giena vierafei. Ijiegero fu erare a gana vierafeva baki ro nane nare nosukua a gana vierafei. Ro kuke na e ije na keva ije a e izeki ije nane kuariakinu nijasiaevano kuae.

Joni 15:21

Buka ire ise boeje jone reke ijadufuo maeje jaja e none ro kuke bu e ije fu na kiemo na igia ari ruaeva ije bu naebe mukoe vierafei.

Joni 15:23

Ro e ije erare na ziegafiemo ije fune kuke Asoe none ijedua ziegafame.

Joni 17:25

Asoeno aeje aka e maturaema ijene. Rove e ume igia karinoejo ije a buka naebe mukoe vierafei. Ro na aeje nane mukoe vierafe ro kuke e none vua fievo ije budua bune vierafega are kiemo na ume igia ruae.

Joni 17:3

Ro vame izege ma karivako ije abedufuo ijeja, e buka vierafero aeje aka Godi maeje besu ro Jesu Kuraesi naeje are kiemo na ruae. Ijadufuo bu osiki no ijiege ma vierafekuva bu vame ma karivako ije abeke.

Joni 8:19

Jesu fu ijiege kuariamoga e ije bu una kuae, Ro a vierafega Asoe one fu iziebure fivoga ni nijasuoga no gano kuae. Rove Jesu fu una kiae, Jaeje ja na ro Asoe none ije jaka ma vierafevo baki. Ro ja na mukore vierafebitie ja kuke Asoe none ije mukoe vierafekono kiae.

Joni 8:55

Jaeje ja Asoe none ije jaka naebe vierafe ro na nare vierafei. Ro na ivia igia kiako na fuje naka naebe vierafevano kiakuva ije na ja kuaevo ijiege naka vua kufui kuariake. Rove na fuje nane vierafeva ijadufuo na vua fuone naka iriniavo.

Ekisi 3:17

Ro igia fie, e gure na giaga jaka mukore vierafekinu renoevo baki. Ijadufuo ja e mamekanu jone ijena jare Jesu dabe ijiege rei.

1 Koriniti 2:8

Ro e mamekanu aesakae igia kariva ije besukua be fu erare Godido vierafe mukore fu sauima ije gaema baki. Ijadufuo maeje bu Godi irere fu remo ije bu gavobitie bu E Ireobo ije fu Godido ire boeje samuagiamo ije bube abe kurosi kanake.

2 Tesaroniasi 1:8

Ro maza ije E Ireobo Jesu fu una ari ruomo ijia vajae fuone fuka miane ma ireobo ijare ijia naena kavuaeke fu ijiakuma ari ruake. Areme Jesu fu eranebe bu naebe Godi vierafevo ijiakiro e ije bu vua fuone maeje bu kuariaevo ije naebe iriniavo ije kame isekafiake.

1 Timoti 1:13

Na ude naka vua ise fuesina kuaekinu e fuone ije kame arafiriana vajae fiane vajiae. Rove Godi fuka una none oefiane abe ijadufuo fu naebe dabe isekafie ro fume ise none giena arei. Ijadufuo maeje na naebe Jesu Kuraesi vierafeva ijadufuo irere na renoevo ije na naebe vierafekinu renoe.

1 Joni 2:23

Ro erare fu Fari fuone ije ijuonemo e ije fu kuke Godi Asoe fuone ije ijuoneme. Ro erare fu Fari fuone mukoreigia oetuana mesirimo ije fu kuke Asoe fuone ije oetuana mesirime.

1 Joni 3:1

Ro ni Asoe nuvuone ije fu izege no oetuaema ije gafo! Fu no oetuaema ije fuka ma ireobo ijadufuo noeje fu kuo, Jaeje ja anafa noneno kue. Ro ije fuka ma noeje noka ma Godido anafa. Ro e ije bu ume igia ise renoejo ije bu Godi bu naebe mukoe vierafe. Ijadufuo noeje no anafa fuone ijiege bu naebe mukore vierafei.

1 Joni 4:8

Godi fuka e oetuamo. Ijadufuo erare fu naebe kairafa fuone ije oetuamo e ije Godi fuka naebe gae.

1 Joni 5:20

Ro fune Jesu Godido Fari ijare arina ume igia noena oenoekinu nijasuema ijadufuo no Godi ma vierafeve. Noeje no Godi ma ijiakiro Fari fuone Jesu Kuraesina karinoeve. Godi ije fu Godi ma ro fuje fu vame ma karivako ijene.